ခီဖျိလၢဒုးယၤအတၢ်ဖ့ၣ်ဆၢအိၣ်ထီၣ်အဃိ ရ့ကီၢ်စၣ်အပူၤ ရူတဖၣ်ဘၣ်ကးတံၢ်ဃး
လါယူၤလံ ၄သီ၊၂၀၂၃နံၣ် တလၢၤကီၢ်စဲၣ် ရ့ကီၢ်ဆၣ်အပူၤ တၢ်ပၢၣ်ဆၢသုးပာ်ဖှိၣ်တဖၣ်ဒီးပယီၤသုးအဘၢၢ်စၢၤဒုးယၤအတၢ်ဖ့ၣ်ဆၢအိၣ်ထီၣ်အဃိ ရ့ဝ့ၢ်ခိၣ် ပယီၤသုးစုဖီလာ် ရူတဖၣ်ဘၣ်တၢ်ကးတံၢ်ဃးန့ၣ်သ့ၣ်ညါဘၣ်လၢဟီၣ်ကဝီၤဖိတဖၣ်အိၣ်န့ၣ်လီၤ ရ့ကီၢ်ဆၣ်ပူၤပယီၤသုးဒီးဟီၣ်ကဝီၤတၢ်ပၢၣ်ဆၢသုးပာ်ဖှိၣ်တဖၣ်အဘၢၢ်စၢၤစးထီၣ်ဖဲလါယူၤအလၢၤန့ၣ်သုးအတၢ်ဖ့ၣ်ဆၢအိၣ်ထီၣ်ဒီးပယီၤသုးစုဖီလာ်ရူတဖၣ်ဘၣ်တၢ်နုာ်လီၤခးအီတပယူၤဃီန့ၣ်လီၤ ခီဖျိလၢဘၣ်တၢ်ဒုးအီဒ်အံၤအဃိ ပယီၤသုးစုဖီလာ် လဝကရူ ၊ပဒိၣ်ရူဒီးပၢၤကီၢ်ဝဲၤလီၢ်တဖၣ်ဘၣ်တၢ်ကးတံၤဃးခဲလၢာ်န့ၣ်ဟီၣ်ကဝီၤဖိတဲန့ၣ်လီၤ “ရူတဖၣ်ဘၣ်တၢ်ကးတံၤဃးလံ လဝက ရူဘၣ်တၢ်ကးတံၤလၢညါလီၤ ဖဲအပူၤကွံာ်နံၣ်အခါရ့ဘလူဟဲခးအဃိဘၣ်ကးတံၤဃးဝဲ ဖဲန့ၣ်အခါပှၤဘၣ်မူဘၣ်ဒါတဂၤဒီးကမျၢၢ်သံတဂၤန့ၣ်လီၤ စးထီၣ်ဖဲန့ၣ်ကးတံၤဃးဝဲဖးယံၤလံ မုၢ်ဆါခီန့ၣ်ဟးလ့ၣ်လိၣ်လီၤ…