လါယူၤလံ ၄သီ၊၂၀၂၃နံၣ်
တလၢၤကီၢ်စဲၣ် ရ့ကီၢ်ဆၣ်အပူၤ တၢ်ပၢၣ်ဆၢသုးပာ်ဖှိၣ်တဖၣ်ဒီးပယီၤသုးအဘၢၢ်စၢၤဒုးယၤအတၢ်ဖ့ၣ်ဆၢအိၣ်ထီၣ်အဃိ ရ့ဝ့ၢ်ခိၣ် ပယီၤသုးစုဖီလာ် ရူတဖၣ်ဘၣ်တၢ်ကးတံၢ်ဃးန့ၣ်သ့ၣ်ညါဘၣ်လၢဟီၣ်ကဝီၤဖိတဖၣ်အိၣ်န့ၣ်လီၤ
ရ့ကီၢ်ဆၣ်ပူၤပယီၤသုးဒီးဟီၣ်ကဝီၤတၢ်ပၢၣ်ဆၢသုးပာ်ဖှိၣ်တဖၣ်အဘၢၢ်စၢၤစးထီၣ်ဖဲလါယူၤအလၢၤန့ၣ်သုးအတၢ်ဖ့ၣ်ဆၢအိၣ်ထီၣ်ဒီးပယီၤသုးစုဖီလာ်ရူတဖၣ်ဘၣ်တၢ်နုာ်လီၤခးအီတပယူၤဃီန့ၣ်လီၤ
ခီဖျိလၢဘၣ်တၢ်ဒုးအီဒ်အံၤအဃိ ပယီၤသုးစုဖီလာ် လဝကရူ ၊ပဒိၣ်ရူဒီးပၢၤကီၢ်ဝဲၤလီၢ်တဖၣ်ဘၣ်တၢ်ကးတံၤဃးခဲလၢာ်န့ၣ်ဟီၣ်ကဝီၤဖိတဲန့ၣ်လီၤ
“ရူတဖၣ်ဘၣ်တၢ်ကးတံၤဃးလံ လဝက ရူဘၣ်တၢ်ကးတံၤလၢညါလီၤ ဖဲအပူၤကွံာ်နံၣ်အခါရ့ဘလူဟဲခးအဃိဘၣ်ကးတံၤဃးဝဲ ဖဲန့ၣ်အခါပှၤဘၣ်မူဘၣ်ဒါတဂၤဒီးကမျၢၢ်သံတဂၤန့ၣ်လီၤ စးထီၣ်ဖဲန့ၣ်ကးတံၤဃးဝဲဖးယံၤလံ မုၢ်ဆါခီန့ၣ်ဟးလ့ၣ်လိၣ်လီၤ မ့ၢ်တၢ်ကကဲထီၣ်သးခဲလဲၣ်တၢ်ဘၣ်ယိၣ်ဒုအိၣ်မီနီ”န့ၣ်ဟီၣ်ကဝီၤဖိတဲဝဲလီၤ
ဖဲအပူၤကွံာ်လါယူၤ ၂၂သီနံၤနာ်က့ ရ့ကီၢ်ဆၣ် ကမီးကန့ၣ်သဝီဒီးနံးကရ့ၣ်သဝီပူၤ ကမၤန့ၣ်ဝဲထံဖိကီၢ်ဖိလံာ်အုၣ်သးအဂီၤပှၤဃ့စ့အါအါဂီၢ်ဂီၢ်လၢအမ့ၢ်ဝဲလဝက ပှၤဘၣ်မူဘၣ်ဒါခံဂၤတဂၤ(အိၣ်ဘှံး)အမါဘၣ်တၢ်ခးသံအီခီဖျိ ရ့ဘလူန့ၣ်သ့ၣ်ညါဘၣ်န့ၣ်လီၤ
ရူတဖၣ်ဘၣ်တၢ်ကးတံၢ်ဃးဒ်အံၤနာ်က့ ရူတၢ်ဖံးတၢ်မၤတဖၣ်လဲၤတရံးအသးန့ၣ်ရ့ဟီၣ်ကဝီၤဖိတဲဝဲန့ၣ်လီၤ
“ဘၣ်တၢ်ကးတံၤကအိၣ်ခံလါသၢလါလံ ရူပဲတြီတဖၣ်ကးတံၢ်ဃးဝဲလီၤ ရူခဲလၢာ်လီၤ သနာ်က့ရူပူၤပှၤမၤတၢ်မၤလီၤ တၢ်ဒုးတအိၣ်အါသနာ်က့ရူတဖၣ်ဘၣ်တၢ်နုာ်လီၤခးအဃိဘၣ်မၤဝဲဒ်န့ၣ်လီၤ”န့ၣ်ဟီၣ်ကဝီၤဖိတဲဝဲန့ၣ်လီၤ
ကတီၢ်ခဲအံၤ ရ့၊မီၣ်လမၠ့ၣ် ၊ဒဝဲၤ ကျဲတကပၤ တၢ်ပၢၤဆၢသုးပာ်ဖှိၣ်တဖၣ်ပၢဃးဝဲဒီးသမံသမိးဝဲသိလ့ၣ်လၢဟးထီၣ်လ့ၣ်လိၣ်တဖၣ်ပူၤပှၤကညီတဖၣ်န့ၣ်သ့ၣ်ညါဘၣ်န့ၣ်လီၤ