လါယူၤလံ ၃ သီ ၊၂၀၂၃နံၣ်
ချၢၣ်လွံၣ်ထူၣ်ကီၢ်ရ့ၣ် သုးက့ ၃ မုကီၢ်ဆၣ်သဝီတဖၣ်အပူၤ ပယီၤသုးခးလီၤကျိဖးဒိၣ်ကျိဖိအဃိ ခံသီအတီၤပူၤကမျၢၢ်ဘၣ်ဒိသၢဂၤန့ၣ်သ့ၣ်ညါဘၣ်လၢဟီၣ်ကဝီၤဖိတဖၣ်အိၣ်န့ၣ်လီၤ
စးထီၣ်ဖဲလါယူၤလံ ၂သီ ဂီၤ ၅နၣ်ရံၣ်ဃၣ်ဃၣ်ဆၢကတီၢ် ပယီၤသုးခးလီၤကျီဖးဒိၣ်ကျိဖိဆူသဝီပူၤအဃိ ရ့ၣ်တွ့ကိသဝီဒီးအိရှံးကိသဝီပူၤ ဟံၣ်ဘၣ်ဒိဟးဂီၤ၄ဖျၢၣ်တကးဒံးဘၣ် သးနံၣ်၄၀ဘျဲၣ်ပိၣ်ခွါတဂၤဒီးသးနံၣ်၃၀ဘျဲၣ်ပိၣ်ခွါတဂၤ ဘၣ်ဒိဒီးကျိချံန့ၣ် ရ့ၣ်တွ့ကိသဝီပူၤကမျၢၢ်တဂၤတဲဝဲန့ၣ်လီၤ
“ခးဝဲတပယူၤဃီလီၤ ဒီတနံၤလီၤ မ့ၢ်အိၣ်ခးဝဲဖဲလဲၤတဖုလဲၤန့ၣ်တသ့ၣ်ညါဘၣ် တံစိမိခ့ၣ်ဒီးကိခၣ်ဒူၣ်ဘၣ်ဒိန့ၣ်နၣ်ဟူဘၣ်လီၤ ပဝဲဒၣ်ဟီပံၣ်အဃိဘၣ်ဒိဒၣ်ခံဂၤလီၤ ဟံၣ်တဖၣ်ဒူဟးဂီၤသၢၣ် အခဲမုၢ်နၤနာ်က့ခးဝဲ ပနၣ်ဟူဘၣ်လၢရ့ၣ်တွ့ကိလ့သဝီတကပၤလီၤ”န့ၣ်အဝဲတဲလီၤ
တကးဒံးဘၣ် စးထီၣ်ဖဲလါယူၤလံ ၃ သီန့ၣ် ပယီၤသုးတဖၣ်ခးလီၤကျိဖးဒိၣ်ဆူ မုကီၢ်ဆၣ်သဝီတဖၣ်အပူၤဃိ အိပ့ၣ်စုး သဝီပူၤသးနံၣ် ၅၀ဃၣ်ဃၣ်ဟီၣ်ကဝီၤဖိတဂၤ ဘၣ်ဒိ(တၢ်ဘၣ်ယိၤတအိၣ်)န့ၣ်သ့ၣ်ညါဘၣ်န့ၣ်လီၤ
“တဂီၤအံၤနာ်က့ ခးဝဲဒီတဂီၤလီၤ ဟီၣ်ကဝီၤဖိဘၣ်ဒိတဂၤ အိပ့ၣ်စုး သဝီဖိတဂၤလီၤ သဝီဖိတဖၣ်စံၣ်လၢၤလံ ဘၣ်ဒိန့ၣ်တဘၣ်ဘၣ်ယိၤဘၣ် ဘၣ်ဖဲအနၣ်ကပၤလီၤ”န့ၣ်အဝဲတဲန့ၣ်လီၤ
ခီဖျိပယီၤသုးခးလီၤကျိဖးဒိၣ်ဆူသဝီပူၤ ၇ သီအတီၢ်ပူၤတပယူၤဃီအဃိ ရ့ၣ်တွ့ကိသဝီ၊အိပ့ၣ်စုးသဝီဒီး အိရှ့းပ့ၣ်သဝီပူၤ ဟံၣ်ဒူၣ် ၂၀၀ဘျဲၣ်ဃၣ်ဃၣ်အပူၤ ဟီၣ်ကဝီၤဖိနီၢ်ဂံၢ် ၁၀၀၀ဘျဲၣ်အံၤ ဘၣ်လဲၤဃ့ၣ်စံၣ်အိၣ်ဆူ ဘူးတံၤတဖၣ် သဝီကပီၣ်ကပၤဒီးလၢၢ်ဒိၣ်ကီၢ်ဆၣ်တဖၣ် အပူၤန့ၣ်ဟီၣ်ကဝီၤဖိတဲဝဲအသိးသ့ၣ်ညါဘၣ်န့ၣ်လီၤ