ဖၣ်အၣ်ဝ့ၢ်ပူၤထံဒိၣ်နိယွၤသၢဝီတဝီ
လါအီကူး ၂၆သီ၊၂၀၂၄နံၣ် ကညီကီၢ်စဲၣ် ဖၣ်အၣ်ကီၢ်ဆၣ်ပူၤတၢ်စူၤတပယူာ်ဃီဒီးထံကျိထံဒိၣ်ထီၣ်အဃိထံဒိၣ်နိယွၤသၢဝီတဝီန့ၣ်သ့ၣ်ညါဘၣ်လၢလီၢ်ကဝီၤဖိအိၣ်လီၤ စးထီၣ်လၢလါအီကူး၂၅သီဖၣ်အၣ်ဝ့ၢ်ပူၤတၢ်စူၤတပယူာ်ဃီအဃိ ကဝီၤဒ့တဖၣ်လၢအမ့ၢ်ဝဲ နီၢ်ဂံၢ် ၁၊၂ကဝီၤဒ့ပူၤထံလူၣ်ဘၢလၢခံတဝီန့ၣ်ဖၣ်အၣ်ဝ့ၢ်ပူၤလီၢ်ကဝီၤပိာ်မုၣ်တဂၤစံးဝဲလီၤ အဝဲစံးလၢ “ထံကျိထံဒိၣ်ထီၣ်လီၤ တၢ်စူၤဒီတနၤလီၤလၢကဝီၤဒ့၂တကပၤန့ၣ် အိးဖိၣ်မ့ၣ်အူစဲးအလီၢ်ခံတကပၤမီ ဖဲန့ၣ်ထံဒိၣ်လီၤလၢကဲၣ်သၣ်ဃၣ်တကပၤထံတဒိၣ်ထီၣ်ဒံးဘၣ်”န့ၣ်လီၤ တကီၢ်ခါခဲအံၤ ထံကျိထံဒိၣ်ထီၣ်တဆီတဆီအဃိထံတဒိၣ်လၢကဝီၤဒ့ခဲလၢာ်နာ်က့ ကဝီၤဒ့လၢအဖုၣ်တဖၣ်ထံဒိၣ်န့ၣ်လီၢ်ကဝီၤဖိလၢခံတဂၤစံးဝဲလီၤ “တမ့ၢ်ဒ်သိးလၢညါတဘျီဘၣ် ထံထီၣ်ဃၢ တၢ်လီၢ်အဖုၣ်တဖၣ်လီၤဖဲမနၤတၢ်စူၤဒိၣ်အဃိထံထီၣ်လီၤ ထံဟဲထီၣ်ကယီကယီလၢဆဲၣ်အ့ၣ်စုးတကပၤလီၤ”န့ၣ်လီၤ…