ခီဖျိပယီၤသုးခးလီၤကျိဖးဒိၣ်အဃိ ချီနခွးသဝီကမျၢၢ်သံခံဂၤ

လါယူၤလံ ၃ သီ ၊၂၀၂၃နံၣ်

တလၢၤကီၢ်စဲၣ် ကၠ့းမရီကီၢ်ဆၤ ချီနခွးသဝီပူၤ ဖဲလါယူၤလ့ ၂သီအနံၤ ပယီၤသုးလၢဆီလီၤလီၢ်ဖဲ ချီနခွးပၢၤကီၢ်ဝဲၤလီၢ်ဒီးချီနခွးတိၣ် ခးလီၤကျိဖးဒိၣ်အဃိ ဟီၣ်ကဝီၤဖိသံခံဂၤန့ၣ် သ့ၣ်ညါဘၣ်န့ၣ်လီၤ

ဖဲအပူၤကွံၤလါယူၤလ့ ၂ သီ မုၣ်ထူၣ် ၁၁ နၣ်ရံၣ် ဆၢကတီၤ ပယီၤသုးလၢဆီလီၤသးဖဲချီနခွးတိၣ်ဒီးချီနခွးပၢၤကီၢ်ဝဲၤလီၢ်တဖၣ်ဘၣ်တၣ်ခးလီၤမ့ၣ်ပိၣ်ဒီး dronန့ၣ်လီၤ

အဝဲသ့ၣ်ဘၣ်တၢ်ဒုးအီဝံၤအလီၢ်ခံ ပယီၤသုးခးဆၢက့ၤဒီးကျိဖးဒိၣ်ကျိဖိအဃိ ကျိဖးဒိၣ်လီၤတဲၣ်ပိၣ်ဖးထီၣ်ဖဲချီနခွးသဝီပူၤဒီး သးနံၣ် ၁၀နံၣ်ဖိသၣ်တဂၤဒီးသးနံၣ် ၃၀ဘျဲၣ်ပိၣ်ခွါတဂၤသံန့ၣ်သ့ၣ်ညါဘၣ်န့ၣ်လီၤ

“တဂၤန့ၣ်ဘၣ်ဒီးကျိဖိဒီးသံလီၤ လဲၤဖဲတိၣ်အဃၢၤဒီးဘၣ်လီၤ လၢအတဂၤန့ၣ်ချီနခွးသဝီပူၤဖိသၣ်သးနံၣ် ၁၀ ဃၣ်ဃၣ်လီၤ ဘၣ်ဒီးကျိဖးဒိၣ်ဒီးသံန့ၣ်လီၤ အခဲအံၤန့ၣ်တၢ်ဂၢၤလီၤ “န့ၣ်ချီနခွးသဝီဖိတဂၤတဲန့ၣ်လီၤ

ပယီၤသုးလၢဆီလီၤလီၢ်ဖဲ ချီနခွးပၢၤကီၢ်ဝဲၤလီၢ်ဒီးတိၣ်တဖၣ်အံၤ ဘၣ်တၢ်ခးအီခီဖျိ Saw Dragon Dron Force ဒီး Lion Battalion commando ဒုးယၤသုးကျိၤ၄ ပာ်ဖှိၣ်သုးတဖၣ်ဝံၤခီဖျိလၢတၢ်ခးလီၤတဘျီအံၤအဃိ ပယီၤသုးသံ ၅ ဂၤန့ၣ် Saw Dragon Dron Force ထုးထီၣ်တၢ်ကစီၤန့ၣ်လီၤ

“ဘၣ်ဒီး dronအဃိ သံ၅ဂၤ မ့ၢ်သုးဖိတဖၣ်လီၤ ကမျၢၢ်တဂၤန့ၣ်သံဒီး Snoper လီၤ အဝဲသ့ၣ်ရၤလီၤတၢ်ကစီၤလၢဘၣ်ဒီး dron မ့ၣ်ပိၣ်အဃိသံမီနီ နီၤနီၤတခီဘၣ်ဒီး sniper အဃိ သးနါပှၢ်အိးထီၣ်ဒီးသံလီၤ”န့ၣ် ပှၤဘၣ်မူဘၣ်ဒါလၢ Saw Dragon Dron Force တဲဝဲန့ၣ်လီၤ

ခီဖျိပယီၤသုးခးအဃိကမျၢၢ်သံပိၣ်ခွါ သးနံၣ် ၃၀ဘျဲၣ်တဂၤအံၤ လၢလံာ်ပရၢအပူၤပာ်ဖျါထီၣ်ဝဲလၢ
သုးခိၣ်ဒိၣ်ဖိ(အိၣ်ဘှံး)တဂၤအဖိခွါနာ်က့ ဖါစံၣ်သဲၣ် တၢ်ကစီၤကရၢ တသ့ၣ်ညါလီၤတံၢ်ဒံးဘၣ်န့ၣ်လီၤ

ချီနခွး ပၢၤကီၢ်ဝဲၤလီၢ်အံၤ ဘၣ်တၢ်ခးအီခီဖျိတၢ်ပၢၤဆၢသုးပာ်ဖိၣ်တဖၣ်တပယူၤဃီဒီး ဖဲအပူၤကွံာ် ၂၀၂၂ လါ နိၣ်ဝ့ဘၢၢ် ၁၂ သီအနံၤနာ်က့ KNLAသုးပာ်ဖှိၣ်တဖၣ်နုာ်လီၤခးချီနခွးပၢၤကီၢ်ဝဲၤလီၢ်အဃိ ပၢၤကီၢ်သုးသံခံဂၤဒီးဘၣ်တၢ်ဖှီၣ်န့ၣ်၄ဂၤန့ၣ်သ့ၣ်ညါဘၣ်န့ၣ်လီၤ

ဖဲအပူၤကွံၤ လါယူၤ တလါအတီၢ်ပူၤပယီၤသုးခးလီၤကျိဖးဒိၣ်အဃိ ချီနခွးသဝီ၊ခလဲၣ်တခိၣ်တဲၣ်သဝီ၊နဲသဲးထိသဝီတကပၤကျိဖးဒိၣ်လီၤတဲၣ်ပိၣ်ဖးထီၣ်အဃိ ဟီၣ်ကဝီၤကမျၢၢ်အဂၤ ၁၀ဘၣ်ဒိန့ၣ်လီၤ