လၢရ့ဝ့ၢ်ပူၤ ပှၤထုးထီၣ်မုၢ်နၤတဘၣ်ဟးထီၣ်တၢ်ကလုာ်ဝံၤအလီၢ်ခံ ပှၤဟုၣ်ဘျၣ်တၢ်တဖၣ်အါထီၣ်
လါယူၤ ၁၆သီ၊၂၀၂၃နံၣ် တလၢၤကီၢ်စဲၣ် ရ့ကီၢ်ဆၤပူၤ မုၢ်နၤတဘၣ်ဟးထီၣ်(Martial Law)ဝံၤအလီၢ်ခံ ပှၤဟုၣ်ဘျၣ်တၢ်အါထီၣ်န့ၣ် ရ့ဟီၣ်ကဝီၤဖိတဲဝဲန့ၣ်လီၤ ရ့ကီၢ်ဆၤပူၤ ပှၤထုးထီၣ်မုၢ်နၤတဘၣ်ဟးထီၣ်တၢ်ကလုာ်လၢ ဟါ၆နၣ်ရံၣ်တုၤဂီၤ၆နၣ်ရံၣ်ယံၤထီၣ်တနံၣ်ဘျဲၣ်ဒီး ကတီၢ်ခဲအံၤ တၢ်ဟုၣ်ဘျၣ်တၢ်တဖၣ်ကဲထီၣ်ကိးမုၢ်နၤဃၣ်ဃၣ်န့ၣ်ဟီၣ်ကဝီၤဖိတဲဝဲန့ၣ်လီၤ “ပှၤအီဟုၣ်တၢ်နၣ်ဟူဘၣ်ကိးနံၤဒဲးလီၤ အခဲလၢရ့ဝ့ၢ်ပူၤဘၣ်တၢ်ထုးထီၣ်မုၢ်နၤတဘၣ်ဟးထီၣ်တၢ်ကလုာ်အိၣ် ၁နံၣ်ဃၣ်ဃၣ်လံ ပှၤဘၣ်တၢ်အီဟုၣ်တုၤလၢဟံၣ်ပူၤန့ၣ်စးထီၣ်လၢ လါမ့ၤလီၤ အခဲအသီအတီၢ်ပူၤနၣ်ဟူဘၣ်ဟံၣ်တဖၣ်ဘၣ်တၢ်ဟုၣ်လီၤ တၢ်ကဲထီၣ်သးဒ်န့ၣ်အဃိပဘၣ်ပာ်သူၣ်ပာ်သးလီၤ…