ဖၣ်ပူၣ်ဝ့ၢ်ပူၤ သ့ၣ်ပှၢ်ဝဲၢ်လီၢ်ရူဘၣ်တၢ်ခးအီၤဒီးမ့ၣ်ပိၣ်အဃိ မ့ၣ်အူအီၣ်ဟးဂီၤ

လါယူၤ ၁၄သီ၊၂၀၂၃ နံၣ်

ကညီကီၢ်စဲၣ် ဖၣ်ပူၣ်ဝ့ၢ်ပူၤ ပယီၤသုးစုဖီလာ် သ့ၣ်ပှၢ်ဝဲၢ်လီၢ်ရူ ဘၣ်တၢ်ခးအီၤဒီးမ့ၣ်ပိၣ်အဃိ မ့ၣ်အူအီၣ်ဟးဂီၤန့ၣ် သ့ၣ်ညါဘၣ်လၢဟၣ်ကဝီၤဖိအိၣ်န့ၣ်လီၤ

ဖၣ်ပူၣ်ဝ့ၢ် သ့ၣ်ပှၢ်ဝဲၢ်လီၢ်အံၤ ဖဲလါယူၤ ၁၃သီ ဖးဖီမုၢ်ဆၢကတီၢ် ဘၣ်တၢ်နုာ်လီၤခးအီၤဒီးမ့ၣ်ပိၣ်ဝံၤပှၤကညီဘၣ်ဒိတအိၣ်န့ၣ် သ့ၣ်ညါဘၣ်လၢပှၤဘူးဒီး တၢ်ကစီၤဂံၢ်ခီၣ်ထံးတဖၣ်အိၣ်န့ၣ်လီၤ“လဲၤခးဝဲလၢမုၢ်နၤခီလီၤ ရူတဖျၢၣ်လီၤ မ့ၣ်ပိၣ်အဃိရူမ့ၣ်အူအီၣ်ဟးဂီၤလီၤ အဂၤဘၣ်ဒိဘၣ်ထံးတအိၣ်ဘၣ် ဂီၤခီပှၤဟးထီၣ်က့ၤလီၤဒ်သိးကိးမုၢ်နံၤလီၤ”ဖၣ်ပူၣ်ဝ့ၢ်ဟီၣ်ကဝီၤဖိတဂၤတဲဝဲလီၤ

၂၀၂၁ သုးဟံးန့ၣ်ထံကီၢ်စိကမီၣ်ဝံၤအလီၢ်ခံ ပယီၤသုးစုဖီလာ်ရူပှၤမၤတၢ်ဖိတဖၣ်ဒ်သိးကဟးထီၣ်တၢ်မၤအဂီၤ ဟီၣ်ကဝီၤဒီသဒၢသုးတဖၣ်ဟ့ၣ်ပလီၢ်ဝဲတပယူၤဃီန့ၣ်လီၤ

တကီၢ်ခါခဲအံၤ ဖၣ်ပူၣ်ဝ့ၢ်ပူၤ ပယီၤသုး BGF သုးတဖၣ်ပျဲဟံးန့ၣ်ဆှၢတၢ်အီၣ်၅သီဒီး ကးတံၢ်ဃးဖၣ်ပူၣ်-ကမမီကျဲအဃိ ဖၣ်ပူၣ်ဝ့ၢ်ဟီၣ်ကဝီၤဖိတဖၣ် ဘၣ်သဂၢၢ်ဒီးတၢ်ပီးတၢ်လီတဖၣ်အပှ့ၤထီၣ်န့ၣ်လီၤ