ပုလောမှာတော်လှန်ရေးတပ်တွေကို ရိက္ခာထောက်ပံ့နေတယ်ဆိုပြီးစစ်ကောင်စီတပ်ကရိက္ခါဖြတ်တောက်နေ
ဧပြီလ ၂၇ ရက်၊ ၂၀၂၃ ခုနှစ် တနင်္သါရီတိုင်းဒေသကြီး၊မြိတ်ခရိုင်၊ပုလောမြို့နယ်ကဒေသခံတွေက တော်လှန်ရေးတပ်တွေကိုရိက္ခာထောက်ပံ့နေတယ်ဆိုပြီး စစ်ကောင်စီတပ်ဘက်ကရိက္ခာဖြတ်တောက်မှုတွေလုပ်ဆောင်နေတယ်လို့ ဒေသခံတွေထံမှသိရပါတယ်။ ဧပြီလပိုင်းကစပြီးပုလောမြို့နယ်အပါအဝင် ပလမြို့၊ပလောက်မြို့နဲ့အနီးအနားကျေးရွာတွေဘက်မှာပါ စစ်ကောင်စီတပ်ကရိက္ခာတွေဖြတ်တောက်မှုတွေပိုမိုပြုလုပ်လာတာကြောင့် ဒေသခံပြည်သူတွေမှာ အခြေခံစားသောက်ကုန်ကိုအကန့်အသတ်နဲ့ ဝယ်ယူနေရတယ်လို့ မြို့တွင်းနေထိုင်သူအမျိုးသမီး တစ်ဦးကပြောပါတယ်။ “သူတို့ကpdfတွေထောက်ပံ့နေတယ်ဆိုပြီးအဲ့လိုလုပ်တာ။သူစလုပ်တာက ၂ လလောက်ရှိပြီး။အရင်ကဆိုရင်တော့ကြိုကြားတွေစစ်တယ်။အခုမှပိုဆိုးလာတာ။…