မၠၣ်ဝတံၣ် ဝ့ၢ်ပူၤ မ့ၣ်အူတဟဲအိၣ်၅လါဃၣ်ဃၣ်လံအဃိ တၢ်မၤကစၢ်လၢဘၣ်သူမ့ၣ်အူဒီးမၤတၢ်တဖၣ် ဘၣ်သဂၢၢ်ဒီးတၢ်ကီတၢ်ခဲန့ၣ်လီၤ
လါမ့ၤ ၁သီ ၊၂၀၂၃နံၣ် လၢကညီကီၢ်စဲၢ် မၠၣ်ဝတံၣ်ဝ့ၢ်ပူၤ မ့ၣ်အူတဟဲအိၣ်၅လါလံအဃိ တၢ်မၤကစၢ်လၢဘၣ်သူမ့ၣ်အူဒီးမၤတၢ်တဖၣ် ဘၣ်သဂၢၢ်ဒီးတၢ်ကီတၢ်ခဲန့ၣ် တၢ်မၤကစၢ်တဂၤတဲဝဲဒၣ်န့ၣ်လီၤဖဲအပူၤကွံာ်(၂၀၂၂)လါဒံၣ်စ့ဘၢၣ် ၁၅ သီ တုၤလၢတနံၣ်အံၤ(၂၀၂၃)လါအ့ဖြ့ၣ်န့ၣ် တၢ်ဒုးကဲထီၣ်လၢခံခီခံကပၤ အဘၢၣ်စၢၤအခါခီဖျိမ့ၣ်အူခိၣ်ခၠၢၣ်ဟးဂီၤ၀ဲဒီးတုၤလၢခဲအံၤတၢ်တက့ၤဘှီဂ့ၤထီၣ်အီၤဒံးဘၣ်အဃိ စးထီၣ်လၢလါမ့ၤ၁သီတုၤခဲအံၤ မ့ၣ်အူဟးဂီၤအိၣ်၅လါလံန့ၣ်လီၤ ခီဖျိမ့ၣ်အူတဟဲအဃိ ပှၤမၢ်တၢ်ဖိတဖၣ်ဘၣ်သူဝဲမ့ၣ်အူစဲးဒီးတၢ်လိမုၢ်တဖၣ်အဃိ တၢ်လၢၢ်ဘူၣ်လၢၢ်စ့ၢ်အါဒီးဘၣ်သဂၢၢ်ဒီးတၢ်ကီတၢ်ခဲန့ၣ် ပှၤဖုသိလ့ၣ်အလွဲၢ်တဂၤတဲဝဲဒၣ်န့ၣ်လီၤ…