Category: ကရင်ဘာသာစကား

လါစဲးပထ့ဘၢၣ် ၇သီ၊၂၀၂၃နံၣ် ကညီကီၢ်စဲၣ် မုၢ်တြီၤကီၢ်ရ့ၣ် ကမၤမိးဝ့ၢ်ပူၤ ပယီၤသုးစုတီၤဖီလာ် ပၢပြးဝဲၤဒၢးဘၣ်တၢ်တ့ၢ်လီၤမ့ၣ်ပိၢ်ဒီးဒြိအဃိ ပၢပြးပှၤဘၣ်မူဘၣ်ဒါသံတဂၤန့ၣ်သ့ၣ်ညါဘၣ်လၢလီၢ်ကဝီၤဖိအိၣ်န့ၣ်လီၤ ဖဲလါစဲးပထ့ဘၢၣ်၇သီ ဂီၤနၣ်ရံၣ် ၁၀ မံးနံး၁၀ဃၣ်ဃၣ်ဆၢကတီၢ် ပယီၤသုးစုတီၤဖီလာ် ပဒိၣ်ပၢပြးဝဲၤဒၢးဘၣ်တၢ်တ့ၢ်လီၤမ့ၣ်ပိၢ်ဒီးဒြိ၃ဖျၢၣ်ဒီး ပယီၤသုးဟံၣ်မူဟ့ၣ်ဒါလၢ နီၢ်ဂံၢ်၄ကဝီၤဒ့ပၢပြးမူဒါခိၣ်စိမ့ ဘၣ်ဒိဒီးမ့ၣ်ပိၢ်အက့အဃိသံန့ၣ်ကမၤမိးလီၢ်ကဝီၤဖိတဂၤစံးဝဲန့ၣ်လီၤ “နီၢ်ဂံၢ်၄ကဝီၤဒ့ပၢပြးမူဒါခိၣ် အူစိမ့ ဘၣ်ဝဲဒီးမ့ၣ်ပိၢ်အက့လၢအခီၣ်တဲၤန့ၣ်ထံၣ်ဝဲခဲလီၤ…

လါစဲးပထ့ဘၢၣ် ၆သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ဝ့ၢ်ပူၤ အထက ၁ ကၠိအဃၢၢ် ဖဲလါစဲးပထ့ဘၢၣ် ၅သီ မုၣ်ထူၣ်ဆၢကတီၢ် တဲဝဲဒြိယူၤလၢကၠိကရၢၤပူၤအဃိ မၤအါထီၣ်ဘံၣ်ဘၢသုးဖိနီၢ်ဂံၢ်န့ၣ် သ့ၣ်ညါဘၣ်လၢကၠိဖိမိ/ပါတဖၣ်အိၣ်န့ၣ်လီၤ ဖဲလါစဲးပထ့ဘၢၣ် ၆သီ ဂီၤခီဆၢကတီၢ် တၢ်ပံးကၠိတအိၣ်နာ်က့ တၢ်ခးလိာ်သးမ့ကဲထီၣ်တမံၤမံၤန့ၣ်ဘၣ်ယိၤဝဲကျဲကကးတံၢ်သးဒီးဖဲလဲၤအိၣ်က့ၤကၠိဖိဆၢကတီၢ် တၢ်နုာ်လီၤဟးထီၣ်အလီၢ်တဖၣ်ကတံၢ်အဃိ တလဲၤဆှၢဆူကၠိအဂ့ၤန့ၣ်…

လါစဲးပထ့ဘၢၣ်၆သီ၊၂၀၂၃နံၣ် ကညီကီၢ်စဲၣ် သၣ်တီၣ်ကၠံဝ့ၢ် တီအူ-သၣ်တီၣ်သိလ့ၣ်ကျဲဖီခိၣ် ပယီၤသုးခးလီၤကျိဖးဒိၣ်အဃိ သးနံၣ်၉နံၣ်ဖိသၣ်တဂၤဒီးလီၢ်ကဝီၤဖိသံခံဂၤန့ၣ်သၣ်တီၣ်ဝ့ၢ်လီၢ်ကဝီၤဖိစံးဝဲန့ၣ်လီၤ သၣ်တီၣ်ဝ့ၢ် ပၠါစခဲ သဝီတကပၤ သၣ်တီၣ်၇မံးလၤသုးကလၢၤ ၊ပယီၤသုးစုဖီလာ် ထိဘိၣ်ကၠံသုးကလၢၤဒီးလ့းသိၣ်ဝ့ၢ်ပူၤပယီၤသုးတဖၣ်ခးလီၤကျိဖးဒိၣ်ကိးမုၢ်နံၤဃၣ်ဃၣ်န့ၣ်သ့ၣ်ညါဘၣ်န့ၣ်လီၤ ခိဖျိခးလီၤတၢ်ဒ်အံၤအဃိ ဖဲအပူၤကွံာ်လါစဲးပထ့ဘၢၣ်၅သီ ဂီၤခီ၉နၣ်ရံၣ်ဃၣ်ဃၣ်ဆၢကတီၢ် ပယီၤသုး၇မံးလၤ သုးကလၢၤခးလီၤကျိဖးဒိၣ်အဃိ လီၤတဲၤပိၣ်ဖးထီၣ်ဖဲပှၤလဲၤလၢပၠါစခဲဆူရွါကၠံကျဲဖီခိၣ် ဟံၣ်ဖီခိၣ်ဒီး သးနံာ်၉နံၣ်ဖိသၣ်တဂၤဒီးသးနံၣ်…

လါစဲးပထ့ဘၢၣ် ၅သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ဝ့ၢ်ပူၤ ပယီၤသုးစုတီၤဖီလာ် ဝဲၤကျိၤဝဲၤဒၢးပှၤမၤတၢ်ဖိဒီးဒူၣ်ဖိထၢဖိတဖၣ် ဒ်သိးတအိၣ်ဝဲလၢ ရူဒီးပှၤမၤတၢ်ဖိတၢ်အိၣ်လီၢ်ဆိးလီၢ်ပူၤအဂီၤ Federal Wings ထုးထီၣ်တၢ်ဘိးဘၣ်ရၤလီၤအပူၤ ပာ်ဖျါထီၣ်ဝဲန့ၣ်လီၤ ဖဲလါစဲးပထ့ဘၢၣ်၃သီ ဟါခီဆၢကတီၢ် ပယီၤသုးစုတီၤဖီလာ် ဝဲၤကျိၤဝဲၤဒၢးရူတဖၣ်လၢအမ့ၢ်ဝဲ မၠၣ်ဝတံၣ်ဝ့ၢ် ပၢပြးရူဒီးပၢၤကီၢ်ဝဲၤလီၢ်တဖၣ် ဘၣ်တၢ်တ့ၢ်လီၤမ့ၣ်ပိၢ်ဒီးဒြိခီဖျိ Federal…

လါစဲးပထ့ဘၢၣ် ၄သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ဝ့ၢ်ပၢၤကီၢ်ဝဲၤဒၢး ဘၣ်တၢ်တ့ၢ်လီၤမ့ၣ်ပိၢ်ဒီးဒြိအဃိ မၠၣ်ဝတံၣ်တၢ်မဲာ်ညါသုးရူ သုးခိၣ်ဒိၣ်ဂီၢ်ဂ့ၢ် အီၣ်ကၠီၤမ့ဒီး အဂုၤအဂၤသံ၅ဂၤ ဘၣ်ဒိ ၁၃ဂၤန့ၣ်သ့ၣ်ညါဘၣ်လၢ မၠၣ်ဝတံၣ်ဝ့ၢ်လီၢ်ကဝီၤဖိတဖၣ်အိၣ်န့ၣ်လီၤ မၠၣ်ဝတံၣ်ဝ့ၢ်ပၢၤကီၢ်ဝဲၤဒၢးမဲာ်ညါ ဖဲလါစဲးပထ့ဘၢၣ်၃သီ ဟါခီ၆နၣ်ရံၣ် မံးနံး၄၀ဆၢကတီၢ် တၢ်ပိၢ်ဖးထီၣ်ဒီး ဖဲပှၤဘၣ်မူဘၣ်ဒါတဖၣ်လဲၤသမံသမိးဆၢကတီၢ် ဘၣ်တၢ်တ့ၢ်လီၤမ့ၣ်ပိၢ်ဒီးဒြိဒ်အံၤန့ၣ်လီၤ ခီဖျိဘၣ်တၢ်ခးလီၤမ့ၣ်ပိၢ်ဒီးဒြိဒ်အံၤအဃိ…

လါစဲးကထ့ဘၢၣ် ၂သီ၊၂၀၂၃နံၣ် ကညီကီၢ်စဲၣ် နိၣ်တကီဝ့ၢ်ပူၤ Mi35 ကဘီယူၤခံဘ့ၣ်လၢ ဟဲဆူ ခလရ၃၂ ဘၣ်တၢ်ခးအီၤဒီးဒြိခီဖျိလီၢ်ကဝီၤကမျၢၢ်ဒီသဒၢသုးတဖၣ်န့ၣ်သ့ၣ်ညါဘၣ်န့ၣ်လီၤ လါစဲးပထ့ဘၢၣ်၁သီ ဂီၤခီ ၁၁နၣ်ရံၣ်ဃၣ်ဃၣ်ဆၢကတီၢ် နိၣ်တကီ ပယီၤသုးကဘီယူၤ Mi35ခံဘ့ၣ်လၢ ဟဲဆှၢတၢ်အီၣ်ဒီးလါလဲဆူ ခလရ၃၂ တဖၣ်လီၢ်ကဝီၤကမျၢၢ်ဒီသဒၢသုးခးဝဲဒီးဒြိန့ၣ် KNLAဂံၢ်ခီၣ်ထံးတဂၤစံးဝဲန့ၣ်လီၤ “ဖဲမဟါ…

လါစဲးပထ့ဘၢၣ် ၃ သီ၊၂၀၂၃နံၣ် ကညီကီၢ်စဲၣ် သၣ်တီၣ်ဝ့ၢ်ဒီးလ့းသိၣ်ဝ့ၢ်သ့ၣ်တဖၣ်အပူၤ ပယီၤသုးခးလီၤကျိဖးဒိၣ်ကိးမုၢ်နံၤဃၣ်ဃၣ်န့ၣ်လီၢ်ကဝီၤဖိတဖၣ်စံးဝဲန့ၣ်လီၤ စးထီၣ်ဖဲလါအီကူးအခၢၣ်သးနံၤတဖၣ်န့ၣ် လဲးသိၣ်ဝ့ၢ်ပူၤဒီးထိဘိၣ်သုးကလၢၤပယီၤသုးတဖၣ်ခးလီၤကျိဖးဒိၣ်ဆူ သၣ်တီၣ်ဝ့ၢ်အဃၢၢ်ကိးမုၢ်နံၤဃၣ်ဃၣ်န့ၣ်လီၤ ခီဖျိလၢခးလီၤကျိဖးဒိၣ်ကိးမုၢ်နံၤဃၣ်ဃၣ်အဃိ သၣ်တီၣ်ဝ့ၢ် ကဝီၤဒ့ ၁ပူၤဟံၣ်ဟးဂီၤအဖျၢၣ် ၁၀ဃၣ်ဃၣ်န့ၣ် သၣ်တီၣ်ဝ့ၢ်လီၢ်ကဝီၤဖိတဖၣ်စံးဝဲန့ၣ်လီၤ “လၢမုၢ်နၤခီပယီၤသုးခးလီၤကျိဖးဒိၣ်လီၤ ကျိဖးဒိၣ်န့ၣ်အိၣ်ခးလီၤဝဲလၢလဲးသိၣ်လိၤ အဝဲသ့ၣ်မ့တဘၣ်သးတၢ်လီၢ်တဖၣ်န့ၣ်ခးလီၤကျိဖးဒိၣ်လီၤ သၣ်မိတီၣ်ကပၤထိဘိၣ်သုးကလၢၤနာ်က့ဒ်န့ၣ်လီၤ အခဲသၣ်တီၣ်ဝ့ၢ်ပူၤဟံၣ်ဟးဂီၤအဖျၢၣ်၁၀ဃၣ်ဃၣ်လံ”န့ၣ်သၣ်တီၣ်ဝ့ၢ်လီၢ်ကဝီၤဖိတဂၤစံးဝဲလီၤ…

လါစဲးပထ့ဘၢၣ် ၁သီ၊၂၀၂၃နံၣ် ကညီကီၢ်စဲၣ် ဖၣ်အၣ်ဝ့ၢ် ကဝီၤဒ့ပူၤပှၤဟုၣ်ဘျၣ်တၢ်လၢဟံၣ်ပူၤတဖၣ် ဒူအါထီၣ်န့ၣ်ဒံးလၢညါန့ၣ်ကဝီၤဒ့ပူၤလီၢ်ကဝီၤကမျၢၢ်စံးဝဲအသိးသ့ၣ်ညါဘၣ်န့ၣ်လီၤ ဖၣ်အၣ်ဝ့ၢ် ကဝီၤဒ့တဖၣ်အပူၤ လၢညါဘၣ်တၢ်ဟုၣ်ဘျၣ်တၢ်လၢဟံၣ်ပူၤတဖၣ်အိၣ်ဒီး သုးဟံးန့ၣ်ထံကီၢ်စိကမီၤဝံၤအလီၢ်ခံ ပှၤဟုၣ်ဘျၣ်တၢ်တဖၣ်ဒူအါထီၣ်န့ၣ်ဒံးလၢညါန့ၣ်လီၢ်ကဝီၤဖိလၢတအဲၣ်ဒိးပာ်ဖျါအမံၤတဂၤစံးဝဲန့ၣ်လီၤ “တၢ်စူၤခါကတီၢ်ဘၣ်တၢ်ဟုၣ်တၢ်အါလီၤ လၢမုၢ်ဆါခီနာ်က့ဟုၣ်ဝဲလီၤ လၢမုၢ်နၤခီန့ၣ်ဟံၣ်ပူၤပှၤကညီအိၣ်နာ်က့ မ့ၣ်အူမ့တဟဲထီၣ်ဟုၣ်ဝဲဆူဟံၣ်ပူၤ တၢ်စူၤမ့ၣ်အူမ့တဟဲအဝဲသ့ၣ်ကၠဲးဝဲလီၤ အန့ၣ်မးန့ၣ်သုးဖိဒီးပၢၤကီၢ်ဟံးန့ၣ်ဃးတၢ်ဘံၣ်ဘၢလၢကဝီၤဒ့ပူၤနီ”န့ၣ်အဝဲစံးဝဲလီၤ ပယီၤသုးဟံးန့ၣ်ထံကီၢ်စိကမီၤဝံၤအလီၢ်ခံ တၢ်ဆၢကတီၢ်ဒံယံၤထီၣ် ဝ့ၢ်ပူၤသိလ့ၣ်၊သိလ့ၣ်ယီၢ်ဒီး(စက်ဘီး)လီၤမၢ်အါထီၣ်ဒီးဆၢကတီၢ်ခဲအံၤ…

လါစဲးပထ့ဘၢၣ် ၁သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ဝ့ၢ်အဃၢၢ် လဲးခဲးတီၣ်အဃၢၢ် ပယီၤသုးမီၤစိရိၤခးလီၤကျိဖးဒိၣ်န့ၣ်မၠၣ်ဝတံၣ်ဝ့ၢ်လီၢ်ကဝီၤဖိတဖၣ်စံးဝဲန့ၣ်လီၤ လဲးခဲးတီၣ်ဖီခိၣ် ပယီၤသုးစုတီၤဖီလာ် BGFသုးကလၢၤ အံၤ KNLAသုးပာ်ဖှိၣ်တဖၣ်ထီၣ်ဟံန့ၣ်ဝဲယံၤထီၣ်တလါဘျဲၣ်လံဒီးပယီၤသုးတကပၤမၤက့ၤတၢ်ထီၣ်ဒုးအိၣ်ထီၣ်အဘျီ၁၀ဘျဲၣ်လံန့ၣ် Cobra Columnထုးထီၣ်ရၤလီၤတၢ်ကစီၣ်န့ၣ်လီၤ ဖဲအပူၤကွံာ်လါအီကူး ၁၅သီအနံၤခါနာ်က့ လဲးခဲးတီၣ်အဃၢၢ်တၢ်ဒုးလၢကဲထီၣ်ဒီးတၢ်ဒုးအပူၤပယီၤသုးဒီးပယီၤသုးစုတီၤဖီလာ် BGFသုးတဖၣ်ဘၣ်ဒိသံအါဝံၤ တၢ်ဒုးကဲထီၣ်တအိၣ်န့ၣ် အိၣ်ခံနွံဘျဲၣ်လံန့ၣ်သ့ၣ်ညါဘၣ်န့ၣ်လီၤ တၢ်ဒုးကဲထီၣ်တအိၣ်နာ်က့…