Category: ကရင်ဘာသာစကား

လါအီကူး ၃၁သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်-ကီးတရံး အ့ရှါကျဲ ပယီၤသုးမီၤစိရိၤ ပာ်ပနီာ်ဃးဝဲသိလ့ၣ်ဒီးဒုးလဲၤဝဲသိလ့ၣ်ဒီးနီၢ်ဂံၢ်အဃိ ကျဲကးတံာ်သးဒီးသိလ့ၣ်ဖီခိၣ်တၢ်ဖိတၢ်လံၢ်တဖၣ်ဟးဂီၤန့ၣ်သ့ၣ်ညါဘၣ်လၢပှၤနီသိလ့ၣ်ဖိအိၣ်န့ၣ်လီၤ မၠၣ်ဝတံၣ်-ကီးတရံး အ့ရှါကျဲ တီနီၢ်ထံလီၤဆှူကပၤ ဟီၣ်ခိၣ်လာ်ဒီးကျဲဟးဂီၤအဃိ ဘၣ်သူဝဲ(ဘေလီ)တိၤဒီး တိၤလၢဘၣ်တၢ်ဘှီဃးအီၤလၢဟီၣ်ခိၣ်လာ်အံၤအဖီခိၣ်တကျၢၤအါအါအဃိ သိလ့ၣ်ကျဲကးတံာ်သးကဲထီၣ်အၢအၢသီသီန့ၣ်လီၤ မၠၣ်ဝတံၣ်-ကီးတရံးအ့ရှါကျဲ ဖီခိၣ်သိလ့ၣ်ကးတံာ်သးအိၣ်အခိၣ်လၢအကယၤဒီးယံာ်ထီၣ်သၢသီလံအဃိ သိလ့ၣ်ဖီခိၣ်တၢ်ပီးတၢ်လီတဖၣ်ဟးဂီၤအိၣ်န့ၣ်ပှၤနီသိလ့ၣ်ဖးဒိၣ်တဂၤစံးဝဲလီၤ “အခဲလၢကီးတရံးတကပၤသိလ့ၣ်ဖးဒိၣ်ကးတံာ်သးအိၣ်သၢသီလံ အဃိ…

လါအီကူး ၃၀သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်-ကီးတရံး အ့ရှါကျဲဖီခိၣ် တသီန့ၣ်ပျဲလဲၤဝဲဒၣ်သိလ့ၣ်အခိၣ် ၃၀ဃၣ်ဃၣ်အဃိ သိလ့ၣ်ကျဲကးတံာ်သးတဖၣ်ကဲထီၣ်န့ၣ် သ့ၣ်ညါဘၣ်လၢပှၤနီသိလ့ၣ်တဖၣ်အိၣ်န့ၣ်လီၤ မၠၣ်ဝတံၣ်-ကီးတရံးအ့ရှါကျဲ တီနီၢ်ထံလီၤဆှူအဃၢၢ်ဖဲအပူၤကွံာ်လါအီကူး ၇သီအနံၤခါ တၢ်စူၤတပယူာ်ဃီဒီးဟီၣ်ခိၣ်လာ်ကဲထီၣ်သးန့ၣ်လီၤ တကီၢ်ခါခဲအံၤ မၠၣ်ဝတံၣ်-ကီးတရံးအ့ရှါကျဲဖိခိၣ် ကျဲလၢဟးဂီၤတဖၣ်ဘၣ်တၢ်ဘှီဂ့ၤထီၣ်က့ၤဝဲဝံၤလံအဃိ ဟးထီၣ်က့ၤလီၤန့ၣ်ကဒါက့ၤလံသနာ်က့ တနံၤန့ၣ်ပျဲလဲၤဝဲဒၣ်သိလ့ၣ်အခိၣ်၃၀န့ၣ်သ့ၣ်ညါဘၣ်လၢပှၤနီသိလ့ၣ်ဖိအိၣ်န့ၣ်လီၤ “သိလ့ၣ်လၢကဘၣ်က့ၤလီၤတပျဲက့ၤဝဲဘၣ် တသီန့ၣ်ပျဲလဲၤဝဲဒၣ်အခိၣ်၂၀/၃၀လီၤ…

လါအီကူး၂၉သီ ၊၂၀၂၃နံၣ် ကညီကီၢ်စဲၣ် နိၣ်တကီကီၢ်ဆၣ် ပယီၤသုးစုတီၤဖီလာ် ပဒိၣ်ဝဲၤကျိၤဝဲၤဒၢးတဖၣ်ဘၣ်တၢ်ခးလီၤဒီးဒြိအဃိ သံအိၣ်န့ၣ်သ့ၣ်ညါဘၣ်န့ၣ်လီၤ လါအီကူး ၂၈သီ မုၢ်နၤခီ ၁၀နၣ်ရံၣ် ၃၀မံးနံးဆၢကတီၢ် နိၣ်တကီဝ့ၢ်ပူၤ ပယီၤသုးစုတီၤဖီလာ် ဝဲၤကျိၤဝဲၤဒၢးတဖၣ်လၢအမ့ၢ်ဝဲ စံၣ်ပ့ၣ်ရူ၊စရီရူ၊တၢ်သူၣ်တၢ်ဖျး(ဘဏ်)သ့ၣ်တဖၣ်အပူၤပယီၤသုးတကပၤသံ၂ဂၤ ဘၣ်ဒိ၁ဂၤန့ၣ်KNLAသုးဂံၢ်ခီၣ်ထံးတဂၤစံးဝဲလီၤ “ဖဲမုၢ်ဒဲးနံၤမုၢ်နၤခီအနၣ်ရံၣ်၁၀ မံးနံး၂၀ဃၣ်ဃၣ်ဆၢကတီၢ် ဖဲနိၣ်တကီဒြိတၢ်ထီၣ်ဒုးန့ၣ်ပယီၤသုးသံခံဂၤဘၣ်ဒိတဂၤလီၤခးဝဲလၢစံၣ်ပ့ၣ်ရူ၊စရီရူ၊တၢ်သူၣ်တၢ်ဖျး(ဘဏ်)သ့ၣ်တဖၣ်လီၤ”န့ၣ်အဝဲစံးဝဲလီၤ…

လါအီကူး ၂၉သီ၊၂၀၂၃နံၣ် မၠၣ်ဝတံၣ်-ကီးတရံးအ့ရှါကျဲဖီခိၣ် ပယီၤသုးစုတီၤသုးခိးကီၢ်ဆၢBGFသုးတဖၣ်ပာ်လီၤတြဲၤဒီးဃ့စ့အါအါဂီၢ်ဂီၢ်န့ၣ်ပှၤနီသိလ့ၣ်တဂၤစံးဝဲန့ၣ်လီၤ မၠၣ်ဝတံၣ်-ကီးတရံးအ့ရှါကျဲ တီနီၤထံလီၤဆှူကပၤဖဲအပူၤကွံာ်လါအီကူး၇သီ ဂီၤအဆၢကတီၢ်တၢ်စူၤတပယူာ်ဃီဒီးဟီၣ်ခိၣ်လာ်အဃိဘၣ်ကးတံၢ်ကွံာ်အ့ရှါကျဲန့ၣ်လီၤ တကီၢ်ခါခဲအံၤ ကျဲလၢဟးဂီၤတဖၣ်တၢ်ဘှီဂ့ၤထီၣ်က့ၤအလီၢ်ခံ မၠၣ်ဝတံၣ်-ကီးတရံးအ့ရှါကျဲပှၤဟးထီၣ်က့ၤလီၤန့ၣ်လံဒီးပယီၤသုးစုတီၤသုးခိးကီၢ်ဆၢBGFတဖၣ်ပာ်လီၤတြဲၤဒီးဃ့စ့အါအါဂီၢ်ဂီၢ်န့ၣ်သ့ၣ်ညါဘၣ်လၢပှၤနီသိလ့ၣ်တဖၣ်အိၣ်လီၤ “လၢအ့ရှါကျဲန့ၣ်BGFမီနီ အါဒၣ်BGFလီၤ ပယီၤသုးအိၣ်ဒၣ်တနီလီၤ တၢ်လီၢ်အဂုၤအဂၤန့ၣ်အိၣ်ဒၣ်BGFတဖၣ်ထၢစ့လီၤ”န့ၣ်ပှၤနီသိလ့ၣ်တဂၤစံးဝဲန့ၣ်လီၤ လၢညါပှၤဃ့စ့ဒ်အံၤအိၣ်နာ်က့ ဆၢကတီၢ်ခဲအံၤ ကီးတရံး-မၠၣ်ဝတံၣ်အ့ရှါကျဲဒီဘိ BGFတြဲၤအိၣ်အတီၤ၁၀ဒီးပှၤဟံန့ၣ်မူဒါလၢကျဲ(အေးဂျင့်)တဖၣ်မၤလံာ်အုၣ်သးတဖၣ်နာ်က့ အလဲၤဒီးဟဲက့ၤခဲလၢာ် ဘၣ်ဟ့ၣ်ဝဲ…

လါအီကူး၂၈သီ၊၂၀၂၃နံၣ် ကညီကီၢ်စဲၣ် ကီးတရံးကီၢ်ဆၣ် ကီးနွဲၣ်သဝီပူၤပယီၤသုးခးလီၤကျိဖးဒိၣ်အဃိ လီၢ်ကဝီၤကမျၢၢ်သံတဂၤန့ၣ်ကီးတရံးဟီၣ်ကဝီၤဖိစံးဝဲအသိးသ့ၣ်ညါဘၣ်န့ၣ်လီၤ ကီးတရံးဝ့ၢ်အဃၢၢ် ကီးနွဲၣ်၊ကမဲၣ်ကိဒီးအ့ရှါကျဲဒီဘိ ပယီၤသုးဒီးလီၢ်ကဝီၤကမျၢၢ်ဒီသဒၢသုးအဘၢၣ်စၢၤ တၢ်ဒုးကဲထီၣ်တပယူာ်ဃီဒီးပယီၤသုးခလရ ၉၇ သုးရ့ၣ်ဒီးလ့ၣ်ဝးကျိဖးဒိၣ်လူၢ်ခးလီၤကျိဖးဒိၣ်တပယူာ်ဃီန့ၣ်လီၤ ဖဲအပူၤကွံာ် လါအီကူး၂၇သီ ဟါခီ၄နၣ်ရံၣ်ဆၢကတီၢ် ကီးနွဲၣ်သဝီအဃၢၢ် ပယီၤသုးဒီးKNLAသုးပာ်ဖှိၣ်အဘၢၣ်စၢၤတၢ်ဒုးကဲထီၣ်ဒီးပယီၤသုးခးလီၤကျိဖးဒိၣ်အဃိ လီၢ်ကဝီၤသံတဂၤ ဘၣ်ဒိ၅ဂၤန့ၣ်ကီးတရံးဝ့ၢ်လီၢ်ကဝီၤဖိစံးဝဲန့ၣ်လီၤ “ကီးနွဲၣ် ၊ကမဲၣ်ကိအဃၢၢ်တၢ်ဒုးကဲထီၣ်ကိးမုၢ်နံၤလီၤ…

လါအီကူး ၂၃သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ဝ့ၢ်ကဝီၤဒ့၄ပူၤ မၠၣ်ဝတံၣ်ဝ့ၢ် ကီၢ်ရ့ၣ်တၢ်ဆါဟံၣ်ဖးဒိၣ်ဘၣ်တၢ်ခးအီန့ၣ် မၠၣ်ဝဝံာ်ဝ့ၢ်လီၢ်ကဝီၤဖိစံးဝဲန့ၣ်လီၤ ဖဲလါအီကူး၂၂သီ မုၢ်နၤခီ ၈နၣ်ရံၣ်မံနံး ၂၀ဃၣ်ဃၣ်ဆၢကတီၢ် မၠၣ်ဝတံၣ်ဝ့ၢ် ကီၢ်ရ့ၣ်တၢ်ဆါဟံၣ်ဖးဒိၣ်ဘၣ်တၢ်ခးလီၤမ့ၣ်ပိၣ်ဒီးဒြိဝံၤခီဖျိဘၣ်တၢ်ခးဒ်အံၤဝံၤအလီၢ်ခံ တၢ်ဆါဟံၣ်ပူၤတၢ်သူၣ်ထီၣ်ဟးဂီၤတနီနာ်က့ ပှၤကညီဘၣ်ဒိတအိၣ်န့ၣ်မၠၣ်ဝတံၣ်ဝ့ၢ်လီၢ်ကဝီၤဖိစံးဝဲန့ၣ်လီၤ “တမ့ၢ်မ့ၣ်ပိၢ်ဘၣ် အိၣ်လီၤတဲၤလၢတၢ်ဖီခိၣ် အဝဲသ့ၣ်ဖးခံဆီ လၢအီးစံၣ်ဂၠ့ၣ်တၢ်သူၣ်ထီၣ်ကပၤ လီၤဖဲတၢ်ဟးလီၢ်လၢပှၤတသူလၢၤတဖျၢၣ်တကပၤ…

လါအီကူး၂၃သီ၊၂၀၂၃နံၣ် ကညီကီၢ်စဲၣ် ဖၣ်ပူၣ်ကီၢ်ဆၣ် ပယီၤသုးစုဖီလာ် ကီၢ်ဆၣ်ပၢၤကီၢ်ဝဲၤဒၢး ဘၣ်တၢ်နုာ်လီၤခးအီလၢKNLAသုးပာ်ဖှိၣ်တဖၣ်န့ၣ် သ့ၣ်ညါဘၣ်လၢဖၣ်ပူၣ်ဝ့ၢ်လီၢ်ကဝီၤဖိအိၣ်န့ၣ်လီၤ ဖဲလါအီကူး၂၃သီ ဂီၤခီ ၅နၣ်ရံၣ်ဃၣ်ဃၣ်ဆၢကတီၢ် KNLAသုးပာ်ဖှိၣ်တဖၣ်နုာ်လီၤခးဝဲပယီၤသုးစုဖီလာ်ကီၢ်ဆၣ်ပၢၤကီၢ်ဝဲၤဒၢးဒီးပယီၤသုး၊ပယီၤသုးစုဖီလာ်BGFသုးတဖၣ်ဒီးKNLAအဘၢၣ်စၢၤ ခ့ခီခံကပၤထံၣ်လိာ်သးတၢ်ဒုးကဲထီၣ်န့ၣ် လီၢ်ကဝီၤပိာ်ခွါတဂၤစံးဝဲန့ၣ်လီၤ “တဂီၤအံၤပနၣ်ဟူဘၣ်လၢKNLAသုးပာ်ဖှိၣ်တဖၣ်နုာ်လီၤခးဝဲပယီၤသုးစုဖီလာ် ကီၢ်ဆၣ်ပၢၤကီၢ်ဝဲၤဒၢးလီၤ စးထီၣ်လၢဂီၤခီ၅နၣ်ရံၣ်န့ၣ်လံ KNLAဟဲခးဝဲဝ့ၢ်ပူၤပယီၤသုးကလၢၤအိၣ်ခိးတၢ်လီၢ်တဖၣ်လီၤ တုၤခဲအံၤတဝံၤဒံးဘၣ်”န့ၣ်အဝဲစံးန့ၣ်လီၤ တကးဒံးဘၣ်ဖဲလါအီကူး၂၂သီ မုၢ်နၤအဆၢကတီၢ်နာ်က့…

လါအီကူး၂၂သီ၊၂၀၂၃နံၣ် ကညီကီၢ်စဲၣ် ကီးတရံးကီၢ်ဆၣ် ပယီၤသုးလၢအိၣ်ဖဲတီၣ်ကၠၣ်အ့သဝီပူၤတဖၣ်ဒီးKNLAသုးပၣ်ဖှိၣ်တဖၣ်အဘၢၣ်စၢၤတၢ်ဒုးကဲထီၣ်သၢသီန့ၣ်သ့ၣ်ညါဘၣ်ခီဖျိဂလိၣ် (ဂဠုန်)သုးကျိၤထုးထီၣ်တၢ်ကစီၣ်အသိးန့ၣ်လီၤ စးထီၣ်လါအီကူး ၁၈သီတုၤအသီ၂၀ အတီၢ်ပူၤ ပယီၤသုးဆီလီၤလီၢ်ဖဲ တီၣ်ကၠၣ်အ့ကၠိခမရ ၅၄၆ဒီးKNLAသုးပာ်ဖှိၣ်တဖၣ်အဘၢၣ်စၢၤခံခီခံကပၤထံၣ်လိာ်သးတၢ်ဒုးကဲထီၣ်ဒီးပယီၤသုးတကပၤသုးခိၣ်ခံဂၤဒီးသုးစကီၤဖိသံတဂၤဝံၤဘၣ်ဒိ၁၃ဂၤန့ၣ်ဂလိၣ် (ဂဠုန်)သုးကျိၤပှၤဘၣ်မူဘၣ်ဒါတဂၤစံးဝဲန့ၣ်လီၤ “ပသ့ၣ်ညါဘၣ်လၢ အဝဲသ့ၣ်ဟံးန့ၣ်ဃးတၢ်လီၢ်ဖဲကၠိပူၤန့ၣ်စးထီၣ်လၢ၂၀၂၁ခါလံသုးဂံၢ်ဘါအိၣ် အဂၤ၃၀ဃၣ်ဃၣ်လီၤ တၢ်ဒုးကဲထီၣ်တဘျီမ့ၢ်ဝံၤမၤအါထီၣ်သုးဂံၢ်ဘါ အဝဲသ့ၣ်မၤဟးဂီၤကမျၢၢ်ဟးထီၣ်က့ၤလီၤကျဲ မၤနၢၤအီၣ်ကမျၢၢ်အဃိတၢ်ဒုးကဲထီၣ်တလီၢ်လီၢ်လီၤ”န့ၣ်အဝဲစံးဝဲလီၤ တၢ်ဒုးကဲထီၣ်၃သီအတီၢ်ပူၤ ကြူၤတုၤဝ့ၢ်ပူၤ…

လါအီကူး ၂၁သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ကလံၤထံးတကပၤ စွ့ၣ်ကိကိၣ်ဝ့ၢ်သီကပၤတၢ်ဒုးကဲထီၣ်ဝံၤအလီၢ်ခံ ပယီၤသုးစုဖီလာ်BGFသုးတဖၣ်ဟ့ၣ်စ့ဒီးပာ်ဖှိၣ်BGFသုးဖိသီတဖၣ်အါထိၣ်န့ၣ်ဒံးလၢညါန့ၣ်သ့ၣ်ညါဘၣ်န့ၣ်လီၤ ဖဲလါအ့ဖြ့ၣ် ၅သီအနံၤ ပယီၤသုးဒီးKNLAသုးပာ်ဖှိၣ်တဖၣ်တၢ်ဒုးကဲထီၣ်လၢစွ့ၣ်ကိကိၣ်ဝ့ၢ်သီဝံၤအလီၢ်ခံ မ့ၢ်နုာ်လီၤဆူပယီၤသုးစုဖီလာ်BGFသုးပူၤန့ၣ်ဟ့ၣ်ဝဲစ့ယိၤခံကလးbathဒီး မၤအါထီၣ်တၢ်ပာ်ဖှိၣ်BGFသုးဖိအသီတဖၣ်န့ၣ်ပှၤဘူးဒီးသုးဂံၢ်ခီၣ်ထံးတဂၤစံးဝဲန့ၣ်လီၤ “လၢစွ့ၣ်ကိကိၣ်န့ၣ်သုးတၢ်မၤလိ၆လါတဘျီန့ၣ်ကိးဝဲထီဘိလီၤ အခဲတၢ်အိၣ်သးန့ၣ်ဖဲအန့ၣ်န့ၣ်ကကိးဝဲလီၤ ဟ့ၣ်စ့ဝံၤကိးဝဲန့ၣ်တမ့ၢ်ထဲဆၢကတီၢ်ခဲအံၤဘၣ်လၢညါခါန့ၣ်လံ ဖဲပှၤအိၣ်လၢစွ့ၣ်ကိကိၣ်တဖၣ်န့ၣ်ဟ့ၣ်ဝဲစ့ခံကလးလီၤ ဘၣ်မၤဝဲခံနံၣ်မ့တမ့ၢ်ဘၣ်ဒီးသၢနံၣ်ကိးဝဲဒီးလံာ်အုၣ်သးလီၤဟ့ၣ်စ့ဝံၤကိးဝဲအါလီၤ သဝီပူၤပှၤကညီတဖၣ်မၤန့ၣ်စ့အဃိမၤဝဲသၢၣ်”န့ၣ်အဝဲစံးန့ၣ်လီၤ တကးဒံးဘၣ်တၢ်ဒုးကဲထီၣ်ဝံၤအလီၢ်ခံ စွ့ၣ်ကိကိၣ်ဝ့ၢ်သီပူၤကၣ်စံၣ်နိၣ်ပူၤပှၤအိၣ်ခိးတၢ်ဘံာ်တၢ်ဘၢတဖၣ်ဟ့ၣ်ဒုးဖှီၣ်ဃးဝဲကျိန့ၣ်အဝဲတဲအါထီၣ်ဝဲလီၤ “လၢညါပှၤအိၣ်ခိးတြဲၤအိၣ်ဒၣ်အတၢ်တနီပှၤဖှီၣ်စုကဝဲၤအိၣ်တနီ…