လဲးခးတီၣ် (လက်ခတ်တောင်)လီၢ်ကဝီၤ တၢ်ဒုးကဲထီၣ်အဃိ ဟီၣ်ကဝီၤကမျၢၢ်၇၀၀ဘျဲၣ်ဘၣ်ဃ့ၣ်တၢ်ဒုး
လါယူၤလ့ ၂၂သီ၊၂၀၂၃နံၣ် ကညီကီၢ်စဲၣ် မၠၣ်ဝတံၣ်ကီၢ်ဆၣ် လဲးခးတီၣ်အဃၢၢ် ပယီၤသုးမီၤစိရိၤဒီးKNLAသုးပာ်ဖှိၣ်တဖၣ်အဘၢၣ်စၢၤ တၢ်ဒုးကဲထီၣ်အဃိ ပွ့လ့အ့မၠ့ၣ်သဝီ၊မၠ့းတၣ်လ့မၠ့ၣ်သဝီ၊ကၠီးလိကၠံသဝီအဃၢၢ်ကမျၢၢ် ၇၀၀ဃၣ်ဃၣ်ဘၣ်ဃ့ၣ်ပူၤဖျဲးသးန့ၣ်သ့ၣ်ညါဘၣ်လၢဟီၣ်ကဝီၤဖိတဖၣ်အိၣ်န့ၣ်လီၤ စးထီၣ်ဖဲ လါယူၤလံ၉သီအနံၤပယီၤသုးမီၤစိရိၤဒီးKNLAသုးပာ်ဖှိၣ်တဖၣ်အဘၢၣ်စၢၤ တၢ်ဒုးကဲထီၣ်တကးဒံးဘၣ် ပယီၤသုးမီၤစိရိၤခးလီၤကျိဖးဒိၣ်ကိးမုၢ်နံၤအဃိ ပွ့လ့အ့မၠ့ၣ်သဝီ၊မၠ့းတၣ်လ့မၠ့ၣ်သဝီ၊ကၠီးလိကၠံသဝီအဃၢၢ်ကမျၢၢ် ၇၀၀ဃၣ်ဃၣ်ဘၣ်ဃ့ၣ်ပူၤဖျဲးသးဆူ မၠၣ်ဝတံၣ်ဝ့ၢ်ခိၣ် တီရးသီခါဖၠါ၊ဘူးတံၢ်တဖၣ်အိၣ်န့ၣ် ဟီၣ်ကဝီၤပိာ်မုၣ်တဂၤစံးဝဲန့ၣ်လီၤ “လၢသီခါဖၠါန့ၣ်ပှၤကညီနီၢ်ဂံၢ်ကအိၣ်၅၀၀ဘျဲၣ် ကမျၢၢ်တဖၣ်ဟဲဟ့ၣ်ဝဲဃု၊ကိာ်(ပေါင်မုန့်)လၢကၠိဖီလာ်မီနီ…