လါယူၤ ၆ သီ ၊၂၀၂၃နံၣ်
ကညီကီၢ်စဲၣ် မၠၣ်ဝတံၣ်ကလံၤစိးတကပၤ စွ့ၣ်ကိကိၣ်ဝ့ၢ်သီပူၤ ကဝီၤဒ့သၢခါ လၢသုဝဲယိၤလီမ့ၣ်အူဘၣ်တၢ်ပတုၤကွံာ်အီန့ၣ်သ့ၣ်ညါဘၣ်လၢ ဟီၣ်ကဝီၤဖိအိၣ်န့ၣ်လီၤ
စွ့ၣ်ကိကိၣ်ဝ့ၢ်သီပူၤ ကဝီၤဒ့ ၁ ၊၃၊၄ပူၤ ယိၤပဒိၣ်ပတုၤကွံာ်ဝဲတၢ်ဟ့ၣ်လီမ့ၣ်အူလၢ လါယူၤ ၅သီ မုၢ်နၤ၁၂နၣ်ရံၣ်န့ၣ်ဟီၣ်ကဝီၤဖိတဂၤတဲဝဲန့ၣ်လီၤ
“ယိၤပတုၤကွံာ်လီမ့ၣ်အူလံ စွ့ၣ်ကိကိၣ်ပူၤလီၤ ဖဲအဃၢၢ်သဝီတဖၣ်အပူၤတဟံးန့ၣ်ယိၤမ့ၣ်အူဘၣ် ဟံးန့ၣ်ယိၤလီမ့ၣ်အူန့ၣ်လၢစွ့ၣ်ကိကိၣ်ပူၤကဝီၤဒ့သၢခါလီၤ ဖဲအံၤကီၢ်ပယီၤလီမ့ၣ်အူန့ၣ်မီ အဝဲသ့ၣ်န့ၣ်အစ့အါဃိဧါသၢၣ်”န့ၣ်အဝဲစံးဝဲလီၤ
တကးဒံးဘၣ်လၢညါ ကီၢ်ပယီၤလီမ့ၣ်အူန့ၣ်ထၢဝဲတယူၣ်နံး ၆ဘးဒီး၂ပၢၤသနာ်က့ တၢ်ကစီၤဟးထီၣ်လၢ ယိၤလီမ့ၣ်အူကပတုၤအလီၢ်ခံဃ့အါထီၣ်ဝဲ တယူၣ်နံး ၁၃ဘးန့ၣ်လီၤ
တၢ်ဘၣ်တၢ်ပတုၤကွံာ်လီမ့ၣ်အူအံၤတမ့ၢ်ထဲစွ့ကိကိၣ်ဝ့ၢ်သီတခါဘၣ် မၠၣ်ဝတံၣ်ကလံၤထံးတကပၤ အ့ကၠ့မၠ့ၣ်၊မ့လ့းပ့ၤ၊မဲးထီၣ်သလ့၊ဖလူ၊မၠ့းတၣ်လ့မၠၣ်သဝီတဖၣ်နာ်က့ ဘၣ်တၢ်ပတုၤကွံာ်လီမ့ၣ်အူဒီး မၠၣ်ဝတံၣ်ဝ့ၢ်ပူၤန့ၣ်ဒူလီမ့ၣ်အူဟဲဒံးန့ၣ်သ့ၣ်ညါဘၣ်န့ၣ်လီၤ
