လါအီကူး၁၁သီ၊၂၀၂၃နံၣ်
ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢဘိးဘၣ်ရၤလီၤဝဲ ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤ၀ဲလံအဂ့ၢ်ဝံၤအလီၢ်ခံ ကညီကီၢ်စဲၣ်ဒီးတလၢၤကီၢ်စဲၣ်ပူၤဟီၣ်ကဝီၤကမျၢၢ်ဒီသဒၢသုးတဖၣ်တူာ်လိာ်ဝဲအဂ့ၢ်န့ၣ်တဲဖျါထီၣ်ဝဲလီၤ
ဖဲလါအီကူးအသီ၁၀ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဘိးဘၣ်ရၤလီၤဝဲ ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤ၀ဲလံအဂ့ၢ်ဝံၤအလီၢ်ခံ Cloud wings drone ကရူၢ်ပာ်ဖျါထီၣ်ဝဲလၢ တူၢ်လိာ်မုၣ်ဝဲဒီး ကဖှီၣ်ထီၣ်စုဒီး KNU/KNLAဒီးကဒုးဟးထီၣ်က့ၤပယီၤသုးန့ၣ် Cloud wings drone ပှၤဘၣ်မူဘၣ်ဒါ Ko Nyein စံးဝဲန့ၣ်လီၤ
“KNU/KNLAဒီး EROs ဖၣ်တီခိၣ်ရိၤမဲအဖီလာ် ပဝဲပဒုးတ့ၢ်တၢ်တပယူာ်ဃီလီၤ အခဲအံၤခိဖျိ KNUဘိးဘၣ်ရၤလီၤဝဲ NCAဟးဂီၤလံအဖီခိၣ် ပဝဲ cloud wings drone ပတူၢ်လိာ်မုၣ်ဘၣ်န့ၣ်လီၤ ပကဖှီၣ်ထီၣ်ပစုဒီး KNU/KNLA ပကဒုးဆၢက့ၤပယီၤသုးမီၤစိရိၤအါန့ၣ်အန့ၣ်တက့ၤလီၤ”န့ၣ်အဝဲစံးဝဲလီၤ
ဘၣ်ဃးဒီး ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤ၀ဲအဖီခိၣ် သးခူသနာ်က့ လံာ်ဟံးဃာ်ဟးဂီၤဝံၤအလီၢ်ခံ တၢ်ဘၣ်ယိာ်အိၣ်ထီၣ်လၢ ပယီၤသုးမီၤစိရိၤကမၤဝဲတၢ်ထီၣ်ဒုးဒီးကခးလီၤမ့ၣ်ပိၢ်ဒီးကဘီယူၤန့ၣ် Kyaikto Revolution Force ပှၤဘၣ်မူဘၣ်ဒါတဂၤစံးဝဲလီၤ
“ပမ့ၢ်ကွာ်လၢတၢ်ပၢၢ်ဆၢအဂီၤန့ၣ်ဂ့ၤလီၤသၢၣ် အခီပညီဖျါလၢကဒုးဆၢက့ၤ ပယီၤသုးတဲာ်တဲာ်ဖျူဖျူလီၤ ပမ့ၢ်ကွာ်လၢအအၢတခီဟီန့ၣ် အဝဲသ့ၣ်ကမၢသုးကျိၤဟဲအါထီၣ် ကမၤအၢမၤသီကဒီးတၢ် သဝီပူၤကမျၢၢ်တဖၣ်ဘၣ်ဒိကအိၣ်ထီၣ်ပထံၣ်ဒ်န့ၣ်မီနီ NCAဟးဂီၤအဖီခိၣ်တၢ်ပၢၤဆၢသုးတဖၣ်တကပၤခီန့ၣ်ဂ့ၤနာ်ဟ့လၢကမျၢၢ်ဂီၤန့ၣ် အဝဲသ့ၣ်ကဟဲခးလီၤမ့ၣ်ပိၢ်ဒီးကဘီယူၤတၢ်အိၣ်သးအိၣ်”န့ၣ်အဝဲစံးဝဲလီၤ
ထံကီၢ်ဒီဘ့ၣ်တၢ်ပတုာ်တၢ်ခး(NCA)လံာ်ဃံးဃာ်ဟးဂီၤသနာ်က့ ကညီကီၢ်စဲၣ် ဟီၣ်ကဝီၤတနီအပူၤ ပယီၤသုးဒီးBGFသုးတဖၣ်ဟးထီၣ်က့ၤလီၤအိၣ်နာ်က့ တၢ်ကလုာ်တန့ၣ်လၢကဘၣ်ခးအဃိ တၢ်အိၣ်သးအိၣ်လၢဘၣ်ခိးကွာ်န့ၣ် KNLAသုးပာ်ဖှိၣ် သုးကျိၤတနီစံးဝဲအသိးသ့ၣ်ညါဘၣ်န့ၣ်လီၤ
လၢညါမၤ mission ဒၣ်လၢကညီကီၢ်စဲၣ် နိၣ်တကီကီၢ်ဆၣ်အပူၤနာ်က့တကီၢ်ခါခဲအံၤ ကမၤmissionလၢ တလၢၤကီၢ်စဲၣ်ဒီးကညီကီၢ်စဲၣ် ဟီၣ်ကဝီၤတဖၣ်အပူၤအါန့ၣ်အလီၢ်န့ၣ် Cloud wings drone ပှၤဘၣ်မူဘၣ်ဒါစံးဝဲန့ၣ်လီၤ
ကညီကီၢ်စဲၣ်ပူၤ မၠၣ်ဝတံၣ်၊ကီးတရံး၊နိၣ်တကီသၣ်တီၣ်ဝ့ၢ်တကပၤ ပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤတၢ်ဒုးကဲထီၣ်ကိးမုၢ်နံၤဃၣ်ဃၣ်န့ၣ်သ့ၣ်ညါဘၣ်လၢ KNLAသုးဂံၢ်ခီၣ်ထံးတၢ်ကစီၣ်တဖၣ်အိၣ်န့ၣ်လီၤ
ကညီကီၢ်စဲၣ်ပူၤ မၠၣ်ဝတံၣ်၊ကီးတရံး၊နိၣ်တကီသၣ်တီၣ်ဝ့ၢ်တကပၤ ပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤတၢ်ဒုးကဲထီၣ်ကိးမုၢ်နံၤဃၣ်ဃၣ်န့ၣ်သ့ၣ်ညါဘၣ်လၢ KNLAသုးဂံၢ်ခီၣ်ထံးတၢ်ကစီၣ်တဖၣ်အိၣ်န့ၣ်လီၤ