ရွၣ်သ့းကိဒီးကီးနွဲး အဘၢၣ်စၢၤ ပှၤသ့သိလ့ၣ်ဖးဒိၣ်လီၢ်ကပၤ တၢ်ဒုးကဲထီၣ်
လါအီကူး ၉သီ၊၂၀၂၃နံၣ် ကညီကီၢ်စဲၣ် ကီးတရံးကီၢ်ဆၣ် ရွၣ်သ့းကိသဝီဒီးကီးနွဲးသဝီအဘၢၣ်စၢၤ ပှၤသ့သိလ့ၣ်ဖးဒိၣ်လီၢ်ကပၤပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤ ထံၣ်လိာ်သးတၢ်ဒုးကဲထီၣ်န့ၣ်သ့ၣ်ညါဘၣ်လၢပှၤနီသိလ့ၣ်ဖးဒိၣ်တဖၣ်အိၣ်န့ၣ်လီၤ လါအီကူး၈သီ စးထီၣ်ဖဲ ဟါခီ၅နၣ်ရံၣ်န့ၣ် ပယီၤသုးဒီးKNLAသုးပာ်ဖှိၣ်တဖၣ်အဘၢၣ်စၢၤ ထံၣ်လိာ်သးတၢ်ဒုးကဲထီၣ်ခံနၣ်ရံၣ်ဃၣ်ဃၣ်ဒီး ပယီၤသုးတကပၤဟဲထီၣ်ဝဲဒီးသုးဂံၢ်ဘါအါအါဂီၢ်ဂီၢ်အဃိ တၢ်ဒုးကဲထီၣ်ဒ်အံၤန့ၣ် ပှၤနီသိလ့ၣ်လၢထံၣ်တၢ်ကဲထီၣ်သးဒီးမဲာ်တဂၤစံးဝဲန့ၣ်လီၤ “စးထီၣ်ဖဲဟါခီ ၅နၣ်ရံၣ်တုၤ ၇နၣ်ရံၣ်ဘျဲၣ်တၢ်ခံးလီၤမးပတုၤန့ၣ်လီၤ ပဝဲသိလ့ၣ်တဖၣ်ပပာ်ဃးဖဲ ကစၢၢ်ခီၣ်ထံးလီၤ…