လါယူၤ ၁၃သီ ၊၂၀၂၃ နံၣ်
ကညီကီၢ်စဲၣ်ပူၤ ပယီၤသုးမၢကးတံၢ်ကွံာ်ပှၤဆဲးတၢ်ဂီၤကျးသ့ၣ်တဖၣ်အဃိ ပှၤလၢဃုကျိၤဃုစ့ခီဖျိ ပှၤဆဲးတၢ်ဂီၤတဖၣ်ဘၣ်သဂၢၢ်ဒီးတၢ်ကီတၢ်ခဲန့ၣ် သ့ၣ်ညါဘၣ်လၢပှၤဆဲးတၢ်ဂီၤဖိတဂၤအိၣ်န့ၣ်လီၤ
မၠၣ်ဝတံၣ်၊ကီးတရံး၊ကြုၤတုၤ ဒီးဖၣ်အၣ်ဝ့ၢ်သ့ၣ်တဖၣ်အပူၤ ပှၤဆဲးတၢ်ဂီၤကျးတဖၣ် စးထီၣ်ဖဲလါယူၤတၢတနွံန့ၣ် ပယီၤသုးတဖၣ်မၢကးတံၢ်ကွံာ်န့ၣ်လီၤ
မၠၣ်ဝတံၣ်ပူၤ ပၢၤဆဲးတၢ်ဂီၤကျးတဖၣ်ဒ်သိးကကးတံၢ်ကွံာ်အဂီၤဒီး ဒ်သိးတထၢဝဲ တၢ်မၤလံာ်အုၣ်သးစ့တဖၣ်န့ၣ် မၠၣ်ဝတံၣ်ဝ့ၢ် ကီၢ်ဆၤ(စည်ပင်)ရူထုးထီၣ်လံာ်ဖဲလါယူၤ၁၀သီန့ၣ်လီၤ
ခိဖျိလၢမၢအကးတံၢ်ကွံာ်ဒ်အံၤအဃိ မၠၣ်ဝတံာ်ဝ့ၢ်ပူၤပှၤလၢဆဲးတၢ်ဂီၤတဖၣ် ဘၣ်ကွာ်ဝဲတၢ်အိၣ်သးန့ၣ်လီၤ
“အဝဲသ့ၣ်မၢပကးတံၢ်အဃိပဘၣ်ပတုၤတၢ်မၤလီၤ မၤတဘၣ်ဘၣ် ဘၣ်ကးတံၢ်လီၤ ပဘၣ်ဘ့ၣ်လီၤကွံာ် ကျးမံၤဘ့ၣ်ဘၣ်တဖၣ်ဒီးဘၣ်အိၣ်ခိးကွာ်တၢ်အိၣ်သးလီၤ ပမၤတၢ်မၤအံၤလၢတၢ်သးစဲတခါအဖီခိၣ်လီၤ မ့ၢ်ဘၣ်ကးတံၢ်န့ၣ်ပဒူၣ်ဖိထၢဖိတၢ်အီၣ်တၢ်အီတၢ်အိၣ်တၢ်ဆိးအဂီၤတၢ်ကီတၢ်ခဲကအိၣ်ထီၣ်လီၤ”န့ၣ်အဝဲတဲလီၤ
ဒ်န့ၣ်သိးဖၣ်အၣ်ဝ့ၢ်ပူၤနာ်က့ ပယီၤသုးစုဖီလာ်ပၢၤကီၢ်တဖၣ်ဘိးဘၣ်ရၤလီၤဝဲလၢကဘၣ်ကးတံၢ်ပှၤဆဲးတၢ်ဂီၤကျးတဖၣ်လၢ လါယူၤ ၁သီအနံၤန့ၣ် ဟီၣ်ကဝီၤဖိတဖၣ်တဲဝဲလီၤ
ဖၣ်အၣ်နာ်က့မၢကးတံၢ်ကွံာ်ကျးသ့ၣ်တဖၣ်လီၤ ပဘၣ်ဃုၣ်မၤမီနီ ပှၤကညီစှၤလီၤ အခဲအံၤယဆိမိၣ်ကဘၣ်မၤမနုၤလဲၤန့ၣ်ကညီကီၢ်စဲၣ် ပှၤဘၣ်မူဘၣ်ဒါမၢကးတံၣ်လီၤ မ့ၢ်အိးထီၣ်န့ၣ်တဲဝဲကသူဝဲပၢၤကီၢ်ဂံၢ်ဘါဒီးကကးတံၢ်ဝဲလီၤ “န့ၣ်ကျးကစၢ်တဂၤတဲဝဲလီၤ
ကညီကီၢ်စဲၣ်ပူၤပှၤလၢဃုကျိၤဃုစ့ခီဖျိပှၤဆဲးတၢ်ဂီၤတၢ်မၤအိၣ်အါမးဒီးဘၣ်မနုၤအဃိ ထုးထီၣ်တၢ်ကလုာ်ဒ်အံၤလဲၣ်န့ၣ်တသ့ၣ်ညါဘၣ်လီၤတံၢ်ဒံးဒီးမၢကးတံၢ်ကွံာ်ကျးလၢကညီကီၢ်စဲၣ်ပူၤတဖၣ်ခဲလၢၢ် ဘၣ်တၢ်ကးတံၢ်ဝဲန့ၣ်သ့ၣ်ညါဘၣ်န့ၣ်လီၤ
