လါအီကူး ၁၅သီ၊၂၀၂၄နံၣ်
ကညီကီၢ်စဲၣ် ဖၣ်အၣ်ကီၢ်ဆၣ်ပူၤ ပှၤပှ့ၤသိလ့ၣ် သိ တန့ၣ်ဒီး သိကျးဖးဒိၣ်တဖၣ်ပံးသးခဲလၢာ်ဃၣ်ဃၣ်န့ၣ်သ့ၣ်ညါဘၣ်လၢဖၣ်အၣ်ဝ့ၢ်လီၢ်ကဝီၤဖိတဖၣ်အိၣ်န့ၣ်လီၤ
လါအီကူး ၁၃သီနံၤ ဖၣ်အၣ်ဝ့ၢ်ပူၤ သိကျးဖးဒိၣ်တဖၣ် ဆါလီၤန့ၣ်ဝဲသိ ၁ liter ၅၅၀၀ဘးဒီးတၢ်ပာ်ပနီၤနာ်က့ တနံၤအံၤလါအီကူး ၁၅သီ သိကျးတဖၣ်ပံးသးခဲလၢာ်န့ၣ်ဝ့ၢ်ပူၤကမျၢၢ်ပိာ်မုၣ်တဂၤစံးဝဲလီၤ
အဝဲစံး “သိကျးတဖၣ်အခဲတအိၢ်နီတခါလၢၤဘၣ် တဆါလီၤန့ၣ်ဝဲဘၣ် ဘၣ်ပှ့ၤသိဒီးတၢ်ပာ်ပနီၤန့ၣ်အိၣ်သၢသီလံ ဖဲမဟါန့ၣ်ဆါန့ဝဲ ဂီၤခီတုၤမုၢ်ဃ့ၤလီၤတနၣ်ရံၣ်လီၤ ဟါခီန့ၣ်တအိၣ်လၢၤဘၣ် တုၤဖဲမဟါန့ၣ်သိလ့ၣ်တခိၣ်ထၢနုာ်န့ၣ်ဝဲ ၂၀၀၀၀ဒံး”န့ၣ်လီၤ
ဝ့ၢ်ပူၤနီၢ်တဂၤသိကျးတဖၣ်အပူၤ ဆါဝဲသိ 1 liter ၅၀၀၀ဘးတုၤ ၈၀၀၀ဘးနာ်က့ ခီဖျိပှ့ၤသိတန့ၣ်အဃိဟးထီၣ်က့ၤလီၤတၢ်ကီတၢ်ခဲအိၣ်န့ၣ်ပိာ်မုၣ်လၢခံတဂၤစံးဝဲလီၤ
အဝဲစံးလၢ “ကျးဖးဒိၣ်တဖၣ်အပူၤပှ့ၤတန့ၣ်လၢၤဘၣ် ကျးလၢတၢ်ချၢတဖၣ်န့ၣ် ၁ liter န့ၣ် ၅၀၀၀ တနီကျးတဖၣ်အပူၤ ၈၀၀၀အဲန့ၣ်မးန့ၣ်ဘၣ်ရဲၤလီၤသးဒံး လၢတၢ်ချၢကျးတဖၣ်ကဲထီၣ်ဒ်အံၤအဃီဘၣ်ဟးထီၣ်ဟးလီၤကီသၢၣ်”န့ၣ်လီၤ
ကညီကီၢ်စဲၣ် ရၤမတံဝ့ၢ်ပူၤနာ်က့ သိ ၁ liter အပှ့ၤဒိၣ်ထီၣ်တုၤ ၅၀၀၀ဃၣ်ဃၣ်တကးဒံးဘၣ် ပှၤပှ့ၤ ၅၀၀၀၀ဆူအဖီခိၣ်တဖၣ်ဘၣ်ဟ့ၣ်စ့ဒီးကီၢ်ကၠီၣ်တဲၣ်စ့န့ၣ်လီၢ်ကဝီၤဖိစံးဝဲအသိးသ့ၣ်ညါဘၣ်န့ၣ်လီၤ