လါယူၤ ၂၀ ၊၂၀၂၃နံၣ်
မၠီၤလမၠ့ၣ်-ရ့-ဒဝဲၢ် နီၢ်ဂံၢ်၈ကျဲမုၢ်ဖးဒိၣ်ဖီခိၣ် KNLA PDF သုးပာ်ဖှိၣ်တဖၣ်ဟံးန့ၣ်ဃးတၢ်ဘံၣ်တၢ်ဘၢကျဲတကပၤ ဒီးဖဲ၅သီတနံၤ လါယူၤ အသီ ၂၀တဂီၤအံၤ တုၤခဲအံၤ ခးလီၤကျီဖးဒိၣ်တပယူၤဃီန့ၣ် သ့ၣ်ညါဘၣ်လၢ ဟီၣ်ကဝီၤပၢၢ်ဆၢသုးဖိတဖၣ်အိၣ်န့ၣ်လီၤ
ပယီၤသုးလၢဆီလီၤသးဖဲရ့ ခလရ ၁၀၆ သုးရ့ၤခးလီၤကျီဖးဒိၣ်ဆူ တၢ်ပၢၢ်ဆၢသုးပာ်ဖှိၣ်တဖၣ်ကအိၣ်ခိးကျဲအလီၢ်ဒီးသဝီတဖၣ်တကပၤန့ၣ် ပှၤလၢဟံးန့ၣ်ဃးဘံၣ်ဘၢမူဒါလၢ နီၢ်ဂံၢ် ၈ကျဲ သုးဖိတဂၤတဲဝဲန့ၣ်လီၤ
“ပနီၣ်ဖးလီၤပသး၃ကရူၤဒီးပသမံသမိးတၢ်လီၤ အခဲအံၤတၢ်အိၣ်သးန့ၣ်တၢ်သမံသမိးဃံးလီၤ ပယီၤသုးတကပၤနာ်က့ခးလီၤကျိဖးဒိၣ်ဆူ ပဟံးန့ၣ်ဃးတၢ်လီၢ်တကပၤလီၤ အခဲနာ်က့ခးဝဲဖၢမုၢ်လီၤ ယဆိမိၣ်န့ၣ် ၁၀၆ သုးရ့ၤခးလီၤပှၤလီၤ ပအိၣ်တကပၤဘၣ်ဒိဘၣ်ထံးတအိၣ်ဘၣ်”န့ၣ်အဝဲတဲလီၤ
တၢ်ပၢၢ်ဆၢသုးပာ်ဖှိၣ်တဖၣ်ဟံဂးန့ၣ်ဃးတၢ်ဘံၣ်တၢ်ဘၢကျဲတကပၤ ပယီၤသုးဖိ၄ဂၤ ဟဲဝဲဒီးသိလ့ၣ်ဟံၣ်တဖၣ်ဒီးဘၣ်တၢ်ဖှီၣ်ဃးဝံၤကဘၣ်တၢ်ဟံးန့ၣ်အရ့ဒ်လဲၣ်န့ၣ်တသ့ၣ်ညါလီၤတံၢ်လီၤစဲးဒံးဘၣ်န့ၣ် သ့ၣ်ညါဘၣ်လၢပှၤဘူးဒီးသုးရ့ၤ ၂၇ တၢ်ကစီၤဂံၢ်ခီၣ်ထံးတဖၣ်အိၣ်န့ၣ်လီၤ
“ပှၤလၢဘၣ်တၢ်ဖှီၣ်ဃး၄ဂၤအကျါ သုးရ့ၤ ၁၀၆ ပာ်တဂၤလိီၤ မ့ၢ်ဝံၤပနၣ်ဟူထံသုးတဂၤ ကလံၤသုးတဂၤလီၤ အိၣ်တ့ၢ်တဂၤန့ၣ်ဖဲလဲၢ်တသ့ၣ်ညါဘၣ်ဒံးဘၣ်”န့ၣ်တဲဝဲလီၤ
စးထီၣ်ဖဲအပူၤကွံာ် လါယူၤ ၁၅သီ မီၤလမၠ့ၣ်၊မူးဒိၣ်၊သၣ်ဖၠူၤစရ့း၊ရ့၊ဒဝဲၢ်၊ဘျံး သိလ့ၣ်လၢလဲၤဖဲ နီၢ်ဂံၢ် ၈ ကျဲမုၢ်ခိၣ်တဖၣ် ကဘၣ်လုာ်ပိၣ်ထွဲဝဲလၢ တၢ်ဘျၢတဖၣ်န့ၣ် သုးရ့ၤ ၂၇ ထုးထီၣ်တၢ်ပရၢလၢ လါယူၤအသီ ၁၀န့ၣ်လီၤ