နိးတကီဝ့ၢ်ပူၤ ပၢၤကီၢ်ဝဲၢ်လီၢ်ဘၣ်တၢ်နုာ်လီၤခးအီအဖီခိၣ် ခံခီခံကပၤတၢ်တဲဒူၣ်ဒွဲၣ်အိၣ်ထီၣ်

လါမ့ၤ ၃၀သီ၊၂၀၂၃နံၣ်

ကညီကီၢ်စၣ် နိးတကီကီၢ်ဆၤအပူၤ ဖဲလါမ့ၤ ၂၉သီ ဂီၤ ၆နၣ်ရံၣ် မံးနံး၂၀ဆၢကတီၢ် နီၢ်ဂံၢ် ၁ ဒူၣ်ယၣ်လုၣ်လၢဆီလီၤသးဖဲ နိးတကီ ဝ့ၢ်အံၤခးလီၤ၁၂၀ မမ ကျိဖးဒိၣ်ဒီး လီၤတဲၤပိၣ်ဖးဖဲ ပယီၤသုးစုဖီလာ်ပၢၤကီၢ်ဝဲၢ်လီၢ် ဒီးသဲစးတၢ်ဘျၢရူအဃၢၢ်န့ၣ် KNU လီၢ်ခၢၢ်သးထုးထီၣ်တၢ်ကစီၤန့ၣ်လီၤ

ဖဲတနံၤန့ၣ် တမ့ၢ်ကျိဖးဒိၣ်လီၤတဲၣ်ပိၣ်ဘၣ် မ့ၢ်ပှၤခးလီၤတၢ်ဒီးdron လီၤန့ၣ်လီၢ်ကဝီၤဖိတဖၣ်တဲဖျါထီၣ်အတၢ်စိကမိၣ်န့ၣ်လီၤ

ဘၣ်ဃးဒီးတၢ်ဘၣ်ခးလီၤဘျီအံၤန့ၣ် နိးတကီဝ့ၢ်ပူၤကမျၢၢ်တဂၤစံးဝဲ “တၢ်တနံၤန့ၣ်ခးလီၤဝဲဒီး dronလီၤ တၢ်ဘၣ်ဒိဘၣ်ထံးတအိၣ်ဘၣ် လီၢ်ဖဲသဲစးတၢ်ဘျၢရူကပၤလီၤ ဝံၤမးအဝဲသ့ၣ်က့ၤခးကဒါဒီးကျိဖးဒိၣ်လီၤ ခးဝဲဒ်န့ၣ်အဃိ သဝီတဖၣ်ဘၣ်ဒိလီၤ တသ့ၣ်ညါတၢ်လီၢ်လီၤတံၢ်လီၤစဲးဘၣ်ခးကျီဝဲဒ်န့ၣ်လီၤ အိၣ်ခးဝဲဖဲ နီၢ်ဂံၢ်၁ဒူၣ်ယာ်လုၣ်လီၤ ခးဝဲတုၤဂီၤအနၣ်ရံၣ် ၁၀ဃၣ်ဃၣ်န့ၣ်”အဝဲတဲဝဲလီၤ

ဖဲလါမ့ၤ၂၈သီ မုၢ်နၤ ၈နၣ်ရံၣ်ဃၣ်ဃၣ်အဆၢကတီၢ်ခါနာ်က့ ပယီၤသုးစုဖီလာ်ပၢၤကီၢ်ဝဲၢ်လီၢ်ရူ ဘၣ်တၢ်ခးလီၤမ့ၣ်ပိၣ်ဒီး dron ၄ဖျၢၣ်အဃိ ပၢၤကီၢ်ဝဲၢ်လီၢ်ပူၤ ပၢၤကီၢ်သုးခံဂၤဒီး ဖိသၣ်သးနံၣ် ၁၂နံၣ်တဂၤဘၣ်ဒိလၢချၢဃံဒီး ရူဒီးပၢၤကီၢ်ပိၣ်မုၣ်ဝဲၢ်ဒၢးဟးဂီၤဝဲန့ၣ် ဟီၣ်ကဝီၤပိၣ်မုၣ်တဂၤစံးဝဲန့ၣ်လီၤဘၣ်ဃးဒီးတၢ်

ခးလီၤမ့ၣ်ပိၣ်ဒီး dronတဘျီအံၤအဖိခိၣ် ဟီၣ်ကဝီၤဒီသဒၢသုးတဖၣ်တထုးထီၣ်တၢ်ကစီၤနီတမံၤဒံးဘၣ်န့ၣ်လီၤ

တကီၢ်ခါခဲအံၤနာ်က့ နိးတကီကီၢ်ဆၤပူၤ ပယီၤသုးစုဖီလာ် ပှၤမၤတၢ်ဖိလၢရူသ့ၣ်တဖၣ်ဟဲထီၣ်ရူတအိၣ်ဒီး ပှၤအိၣ်လၢရူပူၤသ့ၣ်တဖၣ်နာ်က့ ဟံးန့ၣ်ဝဲတၢ်ကွဲးနီၣ်လၢအရ့ဒိၣ်တဖၣ်ဒီးဘၣ်ဃ့ၢ်ပူၤဖျဲးသးန့ၣ်သ့ၣ်ညါဘၣ်လၢဟီၣ်ကဝီၤဖိတဖၣ်အိၣ်န့ၣ်လီၤ