လါမ့ၤ ၂၉သီ၊၂၀၂၃ နံၣ်
ကညီကီၢ်စဲၣ် ကီးတရ့းဝ့ၢ်ပူၤ ခိဖျိလၢလီမ့ၣ်အူတန့ၣ် ယံၤထီၣ်အဃိ သွဲၣ်လးပှ့ၤထီၣ်ခံဆးဘျဲၣ်န့ၣ်သ့ၣ်ညါဘၣ်လၢကီးတရ့းဝ့ၢ်ဟီၣ်ကဝီၤဖိအိၣ်န့ၣ်လီၤ
ကီးတရ့းဝ့ၢ်ပူၤ စးထီၣ်လၢ လါ November လၢခံကတၢၢ်တနွံ တုၤခဲအံၤ ၆လါဘျဲၣ်အတီၢ်ပူၤ လီမ့ၣ်အူတဟဲအဃိ သွဲၣ်လးပှ့ၤထီၣ်ခံဆးဒီး လၢညါသွဲၣ်လးတဲၢ်ဖးဒိၣ်တဖျၢၣ်န့ၣ် ၂၀၀၀ဘျဲၣ်သနာ်က့ ဆၢကတီၢ်ခဲအံၤ ဘၣ်ပှ့ၤဝဲ ၆၀၀၀ဘးန့ၣ် ဟီၣ်ကဝီၤဖိပိၣ်မုၢ်တဂၤတဲဝဲန့ၣ်လီၤ
“အခဲအံၤပဘၣ်ဖီတၢ်ဒီးသွဲၣ်လးလီၤ တၢ်ကီတၢ်ခဲအိၣ်အါမးလီၤ သွဲၣ်လးနာ်က့အပှ့ၤထီၣ် သ့ၣ်မုၣ်န့ၣ်လၢဝ့ၢ်ပူၤဃုဘၣ်တညီဘၣ် ခိဖျိလၢအပှ့ၤထီၣ်အဃိ တၢ်ကီတၢ်ခဲအိၣ်လီၤမီနီ လၢညါန့ၣ်၂တဲာ်နာ်က့အခဲန့ၣ်က့ၤတတဲာ်လီၤ “န့ၣ်အဝဲတဲဝဲလီၤ
မ့ၣ်အူတဟဲအလီၢ်ခံ ကီးတရ့းဝ့ၢ်ပူၤ ထံကိၣ်လိၣ် အပှ့ၤထီၣ်န့ၣ်လီၤ လၢညါန့ၣ် ၁ ပီၣ်ဘိၣ်တဘိၣ်န့ၣ် ၄၀၀၀လီၤအခဲအံၤ ဘၣ်ပှ့ၤဝဲ ၇၀၀၀ဘျဲၣ်ဒီး ခီဖျိလၢမ့ၣ်အူတဟဲ အဃိ ဘၣ်ကၢၢ်ဃးထံကိၣ်လိၣ်အဂီၤတညီန့ၣ် ပှၤဆါတၢ်ဆၢထံတဂၤတဲဝဲန့ၣ်လီၤ
“လၢဟံၣ်န့ၣ်ပအိးထီၣ်တၢ်ဆၢထံကျးလီၤ ခီဖျိလၢမ့ၣ်အူတဟဲအဃိ တၢ်ကီတၢ်ခဲအိၣ်အါမးလီၤ တၢ်ကိၣ်ဆၢကတီၢ်ခဲအံၤ နးလီၤ ထံကိၣ်လိၣ်န့ၣ်လၢညါအအါကတၢၢ် ၄၀၀၀လီၤ တါလီၤအခါ ၈၅၀၀အခဲအံၤအပှ့ၤလီၤက့ၤ လီၤ လၢညါလီမ့ၣ်အူဟဲအခါထံကိၣ်လိၣ်တလိၣ်န့ၣ်၃၀၀လီၤအခဲအံၤ ၁၀၀၀ဘးမးပှ့ၤန့ၣ်လီၤ “န့ၣ်အဝဲတဲဝဲလီၤ
ခီဖျိလၢမ့ၣ်အူတဟဲယံာ်ထီၣ်အဃိ တၢ်ဖီအီၣ်မ့ၤအဂီၤတၢ်ကီတၢ်ခဲအိၣ်ထီၣ်တကးဒံးဘၣ် လီၤတဲစိၤတဖၣ်ကသရီအဂံၢ်အဂီၤ တဖျၢၣ်န့ၣ် ၅၀၀ဘးလၢကျးတဖၣ်န့ၣ်လီၤ တကးဒံးဘၣ် ကတီၢ်ထီၣ်ထံအဂီၤ ဘၣ်သူဝဲမ့ၣ်အူစဲးဒီး ခီဖျိလၢ သိပှ့ၤထီၣ်အဃိ ဟီၣ်ကဝီၤဖိတဖၣ်ဘၣ်သဂၢၢ်ဒီးတၢ်ကီတၢ်ခဲန့ၣ်လီၤ
စးထီၣ်ဖဲအပူၤကွံာ် ၂၀၂၁ သုးဟံးန့ၣ်ထံကီၣ်စိကမီၣ်ဝံၤအလီၢ်ခံ တုၤခဲအံၤ ကညီကီၢ်စဲၣ်ပူၤ ကီၢ်ဆၤတဖၣ်လၢအမ့ၢ်ဝဲ မၠးဝတံၣ်၊နိးတကီ၊ကီးတရ့း၊ကြုၢ်တုၤဝ့ၢ်တဖၣ်တကပာ် ပယီၤသုးဒီး KNLAသုးပာ်ဖှိၣ်အဘၢၢ်စၢၢ်ဒူၣ်ယာ်အတၢ်ဖ့ၣ်ဆၢကဲထီၣ်ဒီး ခီဖျိလၢ လီမ့ၣ်အူတၢၢ်တဖၣ်ဟးဂီၤအဃိ မ့ၣ်အူတဟဲဖးယံၤန့ၣ်လီၤ