လါယူၤလံ ၁၁ သီ၊၂၀၂၃နံၣ်
ပဂိကီၢ်စဲၣ် ဖၠူကီၢ်ဆၣ်ပူၤ ကျဲလၢလဲၤဖဲ ကညိးကွ့ဒီးမ့းသလ့ၣ်သဝီတကပၤ ပယီၤသုးကးတံၢ်ဃးအဃိ သဝီ ၇ဖျၢၣ်ပူၤဟီၣ်ကဝီၤဖိတဖၣ်တၢ်ကီတၢ်ခဲအိၣ်လၢတၢ်လဲၤတၢ်က့ၤအဂီၤန့ၣ်သ့ၣ်ညါဘၣ်န့ၣ်လီၤ
စးထီၣ်ဖဲလါယူၤလၢခံကတၢၢ်တနွံ ခီဖျိပယီၤသုးကးတံၢ်ဃးကညိးကွ့ဒီးမ့းသလ့ၣ်သဝီကျဲအဃိ သဝီတဖၣ်လၢပှ့ၤတၢ်ဖဲကညိးကွ့ဝ့ၢ်လၢအမ့ၢ် မၠးပကူသဝိ၊မ့းသလ့ၣ်သဝီ၊စံကိၣ်သဝီ၊ရွၣ်မးကၠံသဝီ၊ငမၠ့းချ့သဝီဒီးငဘဲးအ့ၣ်သဝီဖိတဖၣ်တၢ်ကီတၢ်ခဲအိၣ်ထီၣ်လၢကဟးထီၣ်က့ၤလီၤအဂီၤန့ၣ်ဟီၣ်ကဝီၤပိၣ်မုၣ်တဂၤတဲဝဲန့ၣ်လီၤ
“အခဲပအိၣ်တကပၤလဲၤဖဲ မ့းသလ့ၣ်ကျဲတဟပၤတန့ၣ်ဘၣ် ပယီၤသုးကးတံၢ်ဃးကျဲနၣ်လီၤ သမံသမိးကမျၢၢ်လၢဟးထီၣ်က့ၤလီၤတဖၣ်န့ၣ်လီၤ အဃိပှၤလဲၤတဘူၣ် အခဲအံၤတၢ်ကီတၢ်ခဲအိၣ်လီၤ ကျဲအဂုၤအဂၤန့ၣ်ယံၤမီနီ ကဘၣ်လဲၤတနၣ်ရံၣ်ကျဲန့ၣ်ဘၣ်လဲၤပှ့ၤတၢ်၂နၣ်ရံၣ် ၃နၣ်ရံၣ်န့ၣ်လီၤတနီဘၣ်အီၣ်ဖဲအဘၣ်လီၤ”န့ၣ်အဝဲတဲန့ၣ်လီၤ
တကးဒံးဘၣ် ဖဲလါယူၤလံ အသီ ၁၀ ဂီၤ ၄နၣ်ရံၣ်ဆၢကတီၢ် ကညိးကွ့ဝ့ၢ်အမဲာ်ညါ ကညိးကွ့-မ့းသလ့ၣ် ကျဲဖီခိၣ် ခ့ၣ်ကၠံသဝီဒီးသရ့းကိသဝီအဘၢၢ်စၢၤ တိၣ်တဘီဘၣ်တၢ်မၤဟးဂီၤဒီးမ့ၤပိၣ်န့ၣ်လီၤ
“ဖဲအသီ၁၀ဂီၤ၄နၣ်ရံၣ်ဆၢကတီၢ်န့ၣ် မ့ၤပိၣ်ပိၣ်ဖးထီၣ်တဖျၢၣ်လီၤ တိၣ်ပိၣ်ဖးန့ၣ် ခမရ ၄၃၉ လီၤ ပှၤမၤပိၣ်ဖးတိၣ်န့ၣ် တၢ်ပၢၤဆၢသုးပာ်ဖှိၣ်တဖၣ်လီၤ တိၣ်ဖိဆံးလီၤ အမံၤတအိၣ်ဘၣ်”န့ၣ် ခ့ၣ်ကၠံသဝီဟီၣ်ကဝီၤဖိတဖၣ်တဲန့ၣ်လီၤ
ကညိးကွ့ဒီးမ့းသလ့ၣ်ကျဲနာ်က့ ဟီၣ်ကဝီၤကမျၢၢ်ဒီသဒၢသုးကရူၤတဖၣ်ဒီးပယီၤသုးအဘၢၢ်စၢၤ တၢ်ဒုးတၢ်ဖ့ၣ်ဆၢကဲထီၣ်န့ၣ်ဟီၣ်ကဝီၤဖိတဖၣ်တဲန့ၣ်လီၤ
ဖဲအပူၤကွံာ် လါယူၤလံ ၆သီအနံၤနာ်က့ ပဂိကီၢ်စဲၣ် ချၢၣ်လွံၣ်ထူၣ်ကီၢ်ဆၣ် ပစိၤမၠီသဝီအဃၢၢ် ကျဲလၢသဝီ၂၀ဘျဲၣ်ဘၣ်ပာ်ဂံၢ်ပာ်ဘါကျဲ ချၢၣ်လွံၣ်ထူၣ်တုၤမဒီးသဝီကျဲလွံၣ်ကျိၤ ပယီၤသုးသူဘဲးဟိဒီးမၤဟးဂီၤဝဲန့ၣ်လီၤ