လါယူၤ ၇သီ၊၂၀၂၃နံၣ်
ယိၤကီၢ်ဆၢ မၠၣ်ဝတံၣ်-မဲဆီး နီၢ်ဂံၢ်၁တိၣ်ပူၤ ပှၤလၢဖှီၣ်ဃး CIလံာ်၊PJလံာ်ဒီး ပှၤလဲၤကီၢ်ဆၢ၇သီလံာ်အုၣ်သးတဖၣ် ဘၣ်တၢ်ပျဲနုာ်အီၤဆူ ယိၤကီၢ်ပူၤစးထီၣ်လၢလါယူၤ ၇သီ ဂီၤအဆၢကတီၢ်န့ၣ် မၠၣ်ဝတံၣ်ဟီၣ်ကဝီၤဖိတဲဝဲန့ၣ်လီၤ
စးထီၣ်ဖဲအပူၤကွံာ်လါယူၤ ၅သီ န့ၣ် ကီၢ်ပယီၤပှၤမၤတၢ်ဖိလၢဖှီၣ်ဃး CIလံာ်၊PJလံာ်တဖၣ်အံၤဘၣ်တၢ်ကးတံၢ်ဃးအီလၢကနုာ်လီၤယိၤကီၢ်ပူၤဖဲနီၢ်ဂံၢ်၁တၢ်ရ့လိၣ်မုၤလိၣ်တိၢ်အဂီၤခီဖျိကီၢ်ပယီၤ လဝကန့ၣ်လီၤ
ဘၣ်ဃးဒီးတၢ်ဂ့ၢ်တခါအံၤအဖီခိၣ်ပဆဲးကျိးသံကွာ်ဆူပှၤဘၣ်မူဘၣ်ဒါအိၣ်ဒီး “ပကးတံၢ်ဃးတိၣ်န့ၣ် တစိၤဖိလီၤ ပက့ၤအိးထီၣ်က့ၤန့ၣ်လၢဂီၤလီၤ မ့ၢ်ဝံၤပှၤကလဲၤလၢယိၤကီၢ်တဖၣ်အံၤကဘၣ်အိၣ်ဒီး Covid 19 တၢ်ဆဲးကသံၣ်၃ဝီလံာ်အုၣ်သးမီနီ ပှၤလၢကလဲၤမၤတၢ်မၤတဖၣ်န့ၣ် ကဘၣ်ဟ့ၣ်ဝဲ လဝက ထၢစ့ ၂၀၀ဘးဒီးက့ၤနုာ်လီၤဝဲန့ၣ်လံ”န့ၣ်အဝဲတဲန့ၣ်လီၤ
ဘၣ်ဃးဒီး ကညီကီၢ်စဲၣ် ကီၢ်ဆၤတနီအပူၤ ဖဲလါယူၤ ၆သီအနံၤန့ၣ် ကပတုၤကွံာ်လီမ့ၣ်အူတၢ်ဂ့ၤအံၤအဃိ နီၢ်ဂံၢ်၁တၢ်ရ့လိၣ်မုၤလိၣ်တိၣ်ဘၣ်တၢ်ကးတံၢ်န့ၣ်တၢ်ကစီၤဟးထီၣ်ဒ်န့ၣ်လီၤ
ဆၢကတီၢ်ခဲအံၤ ပှၤလဲၤမၤတၢ်လၢယိၤကီၢ်ပူၤဒီး CJလံာ်၊PJလံာ်တဖၣ်အိၣ်အသိး ပှၤလဲၤမၤတၢ်ခီဖျိ MOUတဖၣ်နာ်က့အိၣ်လီၤ ယိၤကီၢ်ပူၤကီၢ်ပယီၤပှၤမၤတၢ်ဖိတဖၣ် တန့ၣ်ဘၣ်လါလဲပှဲၤတကးဒံးဘၣ် ဘၣ်တၢ်ခါပတာ်ကွံၤဘၣ်ဃးဒီးပှၤမၤတၢ်ဖိအတၢ်ခွဲးတၢ်ယာ်န့ၣ် သ့ၣ်ညါဘၣ်လၢပှၤမၤစၢၤတၢ်ဖိတဖၣ်အိၣ်န့ၣ်လီၤ