လါအီကူး ၁သီ၊၂၀၂၃နံၣ်
ကီၢ်ပယီၤပူၤ တၢ်ကစီၣ်ရၤလီၤသးလၢပှၤကထုးထီၣ်စ့ခံကလးတၢ်ဝံၤအလီၢ်ခံ ကညီကီၢ်စဲၣ် နိၣ်တကီကီၢ်ဆၣ်ပူၤ တၢ်ပီးတၢ်လီအပှ့ၤထီၣ်တနံၤဘၣ်တနံၤန့ၣ်သ့ၣ်ညါဘၣ်လၢနိၣ်တကီဝ့ၢ်ဟီၣ်ကဝီၤဖိတဖၣ်အိၣ်န့ၣ်လီၤ
နိၣ်တကီဝ့ၢ်ပူၤ တၢ်ဖိတၢ်လံၤတဖၣ်အပှ့ၤထီၣ်တကးဒံးဘၣ် ဖဲပှ့ၤဂံၢ်ခီၣ်ထံးတၢ်အီၣ်လၢဝ့ၢ်ပူၤနာ်က့ ပှ့ၤဖဲတၢ်လိၣ်အသိးတန့ၣ်လၢၤဘၣ်န့ၣ်ဟီၣ်ကဝီၤပိာ်မုၣ်တဂၤစံးဝဲလီၤ
“ဖဲတၢ်ကစီၣ်ရၤလီၤသးတနံၤန့ၣ်တၢ်ပှ့ၤထီၣ်လီၤ ပှၤပှ့ၤပာ်ဃးတၢ်အီၣ်လံမီ တၢ်ဆါတၢ်ပှ့ၤပံးသးလၢၤလီၤ တဆါဝဲဒီးတဲၤဒီတဖျၢၣ်ဘၣ် ဆါဝဲ တတလီး ခံတလီးဒ်န့ၣ်လီၤ”န့ၣ်အဝဲစံးဝဲလီၤ
တၢ်ကစီၣ်ရၤလီၤသးလၢစ့ခံကလးတၢ်ကဟးထီၣ်ဝံၤအလီၢ်ခံ နိၣ်တကီဝ့ၢ်ပူၤ ဃုသး၊သိဒီး ဂံၢ်ခီၣ်ထံးတၢ်အီၣ်တဖၣ်နာ်က့ အပှ့ၤထီၣ် ၅၀၀၀တုၤ၁၀၀၀၀န့ၣ်အဝဲတဲအါထီၣ်ဝဲလီၤ
“ဃုသးတတဲၤန့ၣ်အပှ့ၤထီၣ် ၇၀၀၀၀ လၢညါမ့မ့ၢ် ၇၀၀၀၀န့ၣ်အခဲ ၇၇၀၀၀ သိ(ဓာတ်ဆီ)ခီန့ၣ် ၁(ဂါလံ) အပှ့ၤထီၣ် ၁၅၀၀ လၢညါသိ (အီၣ်) ၅(ပိဿာ)န့ၣ် ၅၀၀၀၀ အခဲကဲထီၣ် ၆၂၀၀၀ ပသဲဂီၤန့ၣ်လၢညါ ၂၄၀၀၀ အခဲ၃၀၀၀၀ အၣ်လူတံၤန့ၣ်လၢညါ ၁ပိဿာ ၂၅၀၀အခဲ၃၅၀၀တၢ်ပှ့ၤန့ၣ်အိၣ်ဒၣ်အထီၣ်လီၤ “န့ၣ်အဝဲစံးဝဲလီၤ
ဟီၣ်ကဝီၤဖိပိာ်ခွါတဂၤနာ်က့ တၢ်ကစီၣ်ဟးထီၣ်လၢပှၤကထုးထီၣ်စ့ခံကလးတၢ်အဃိ တၢ်ပှ့ၤထီၣ်လီၤ အခဲထီၣ်အါထီၣ်ကဒီးလီၤ အခဲသိၣ်တတဲၤ၄၅၀၀၊ပသဲ ၁(ပိဿာ)၃၅၀၀ အပှ့ၤထီၣ်သၢဆးဃၣ်ဃၣ်သၢၣ်”န့ၣ်အဝဲစံးဝဲလီၤ
နိၣ်တကီဝ့ၢ်ပူၤနာ်က့ ထူပှ့ၤထီၣ်အဃိ ပှၤဘၣ်ပာ်အိၣ်ပတုၤဃးတၢ်ဆါတၢ်ပှ့ၤထူန့ၣ်သ့ၣ်ညါဘၣ်လၢနိၣ်တကီဝ့ၢ်ဟီၣ်ကဝီၤဖိတဖၣ်အိၣ်န့ၣ်လီၤ
တၢ်ကစီၣ်ရၤလီၤသးဒ်အံၤဝံၤအလီၢ်ခံ တၢ်ဖိတၢ်လံၤအပှ့ၤထီၣ်အံၤတမ့ၢ်ထဲနိၣ်တကီဝ့ၢ်တဖျၢၣ်ဘၣ် လၢကညီကီၢ်စဲၣ်ပူၤတကးဒံးဘၣ် ကီၢ်ပယီၤဒီတဘ့ၣ်နာ်က့တၢ်ပှ့ၤထီၣ်န့ၣ်လီၤ
ဖဲလါအီကူး၁သီအနံၤန့ၣ် ပယီၤသုးစုဖီလာ်(ဘဏ်)တဖၣ် စးထီၣ်ရၤလီၤစ့ခံကလးတၢ်ဒီးလါအီကူးမ့လၢၤနာ်က့ ပှၤမၤတၢ်ဖိလၢပယီၤသုးစုဖီလာ်(ဘဏ်)တဖၣ်နာ်က့ ပှၤကထုးထီၣ်န့ၣ်လါလဲဒီးစ့ခံကလးတၢ်လီၤန့ၣ်ပှၤဘူးဒီးပယီၤသုးဂံၢ်ခီၣ်ထံးတၢ်ကစီၣ်တဖၣ်စံးဝဲလီၤ
တကးဒံးဘၣ် ကညီကီၢ်စဲၣ်ပူၤ မၠၣ်ဝတံၣ်၊ကီးတရံး၊ကၠူၤတုၤ၊နိၣ်တကီ၊ဖၣ်ပူၤဒီးသၣ်တီၣ်ဝ့ၢ်သ့ၣ်တဖၣ်အပူၤနာ်က့ တၢ်ဒုးကဲထီၣ်တပယူၤဃီဒီး တၢ်ဆှၢထိၣ်တၢ်အီၣ်တၢ်အီကျဲတဖၣ်ဘၣ်တၢ်ကးတံၢ်သးအဃိ တၢ်ပီးတၢ်လီတဖၣ်အပှ့ၤထီၣ်န့ၣ်သ့ၣ်ညါဘၣ်န့ၣ်လီၤ