တကူၣ်တၢၣ်ပၢၤကီၢ်ဝဲၤဒၢးခံခီခံကပၤတၢ်ဒုးကဲထီၣ်ဒီးပယီၤသုးသံ၄ဂၤ

လါအီကူး၁၈သီ၊၂၀၂၃နံၣ်

ကညီကီၢ်စဲၣ် ချၢၣ်-တကူၣ်တၢၣ်သဝီကရူၢ် တကူၣ်တၢၣ်ပၢၤကီၢ်ဝဲၤဒၢးလီၢ် တၢ်ဒုးကဲထီၣ်ခံခီခံကပၤဒီးပယီၤသုးသံ၄ဂၤန့ၣ် ဒူပျာ်ယာ်ကီၢ်ရ့ၣ်ထုးထီၣ်တၢ်ကစီၣ်အသိးသ့ၣ်ညါဘၣ်န့ၣ်လီၤ

ဖဲလါအီကူး၁၅သီဂီၤ၁၁နၣ်ရံၣ်ဃၣ်ဃၣ်ဆၢကတီၢ်တကူၣ်တၢၣ်သဝီပၢၤကီၢ်ဝဲၤဒၢးKNLAသုးပာ်ဖှိၣ်တဖၣ်နုာ်လီၤခးဝဲဝဲၤဒၢးပူၤပယီၤသုးခလရ ၂၈၄အဃိတၢ်ဒုးကဲထီၣ်ခံခီခံကပၤအဃိပယီၤသုးသံ၄ဂၤန့ၣ်KNLAဂံၢ်ခီၣ်ထံးတၢ်ကစီၣ်တဂၤစံးဝဲန့ၣ်လီၤ

“ဖဲအိၣ်တနံၤန့ၣ်ခးဝဲသံ၄ဂၤန့ၣ်မ့ၢ်လီၤ ဖဲအံၤတခီလဲၤခးလၢညါသံ၄ဂၤလီၤ အခဲမ့ၢ်ဝဲဟီၣ်ကဝီၤတၢ်ဒုးလီၤ လဲၤခးဝဲဒီး၄၀၊၆၀တဖၣ်လီၤ”န့ၣ်အဝဲစံးဝဲလီၤ

တၢ်ဒုးကဲထီၣ်လၢပယီၤသုးဒီးKNLAသုးပာ်ဖှိၣ်တဖၣ်ဝံၤအလီၢ်ခံ တၢ်ဒုးကဲထီၣ်က့ၤတအိၣ်သနာ်က့ တၢ်ခးလိာ်သးတဆံးတက့ၤဖိအိၣ်န့ၣ်အဝဲစံးဝဲလီၤ

ဖဲလါအီကူး၁၅သီမုၣ်ထူၣ်ဆၢကတီၢ်နာ်က့ နၣ်ဟူဘၣ်ပှၤခးလီၤ ၄၀မမ ၆ဘျီန့ၣ်တကူၣ်တၢၣ်သဝီကမျၢၢ်ပိာ်ခွါတဂၤစံးဝဲလီၤ

“ဖဲမုၢ်ဆါခီခါန့ၣ်ပနၣ်ဟူ ပနၣ်ဟူ ၄၀မမ၆ဖျၢၣ်ဒီးဂၢၢ်လီၤ အိၣ်ခးဝဲဖဲလဲာ်တသ့ၣ်ညါဘၣ်”န့ၣ်အဝဲစံးဝဲလီၤ

တကူၣ်တၢၣ်သဝီပူၤဖဲလါအီကူးသၢနွံတနွံန့ၣ်နၣ်ဟူဘၣ်ကျိဖိကလုာ်သီၣ်နာ်က့ ပယီၤသုးဒီးKNLAသုးပာ်ဖှိၣ်အဘၢၣ်စၢၤတၢ်ဒုးကဲထီၣ်ခးလီၤကျိဖးဒိၣ်တအိၣ်န့ၣ်တကူၣ်တၢၣ်သဝီဟီၣ်ကဝီၤဖိတဂၤစံးဝဲလီၤ

ဟီၣ်ကဝီၤပိာ်မုၣ်တဂၤနာ်က့ “ဖဲ၁၇သီနၣ်ဟူဘၣ်ကျိသီၣ်တဘီ အခဲအံၤအဝဲသ့ၣ်ခးဝဲကလုာ်သီၣ်ဒိၣ်ဒိၣ်တအိၣ်ဘၣ်”န့ၣ်အဝဲစံးဝဲလီၤ

တကူၣ်တၢၣ်ပၢၤကီၢ်ဝဲၤဒၢးပူၤပယီၤသုးတဖၣ်ဘၣ်တၢ်ခးအီၤတပယူာ်ဃီဒီးတကူၣ်တၢၣ်သဝီဘတၢ်မၤတဲၤဃးinternetကျိၤတဖၣ်ဒီးဖဲမုၢ်နၣ်ဆၢကတီၢ်မးသူဝဲန့ၣ်က့ၤလီၤ

ကညီကီၢ်စဲၣ်ပူၤဟီၣ်ကဝီၤတဖၣ်လၢအမ့ၢ်ဝဲ မၠၣ်ဝတံၣ်၊ကီးတရံး၊နိၣ်တကီ၊သၣ်တီၣ်ဒီးဖၣ်ပူၣ်ဝ့ၢ်တကပၤပယီၤသုးဒီးKNLAသုးပာ်ဖှိၣ်အဘၢၣ်စၢၤတၢ်ဒုးကဲထီၣ်ကိးမုၢ်နံၤဃၣ်ဃၣ်ဒီးခီဖျိလၢတၢ်ဒုးကဲထီၣ်အဃိ ဟီၣ်ကဝီၤကမျၢၢ်တဖၣ်ဘၣ်သဂၢၢ်ဒီးတၢ်ကီတၢ်ခဲလၢကိးမုၢ်နံၤအီၣ်အီအိၣ်ဆိးအဂီၤန့ၣ်ဟီၣ်ကဝီၤဖိစံးဝဲအသိးသ့ၣ်ညါဘၣ်န့ၣ်လီၤ