ဖေဖော်ဝါရီလာ (၁၃) ရက်၊ ၂၀၂၃ ခုနှစ်
စစ်ကိုင်းတိုင်းဒေသကြီး၊ ကျွန်လှမြို့နယ်၊ ကြာတကန်ရွာကို စစ်ကောင်စီတပ်ရဲ့မီးရှိမှုကြောင့်နေအိမ် ၂၇ လုံးပျက်စီးခဲ့ပြီး အနီးအနားရှိရွာမှဒေသခံ ၂၀၀၀ ကျော်ထွက်ပြေးတိမ်းရှောင်ရတယ်လိုသိရပါတယ်။
ဖေဖော်ဝါရီလ ၁၁နေ့ နေ့လည်၁နာရီခွဲအချိန်မှာစစ်ကောင်စီတပ်လက်အောက်ခံ ခြေမြန်တပ်ရင်း (၃၆၈)နဲ့ ပျူစောထီးပူးပေါင်းအင်အား ၁၂၀ ဝန်းကျင်က ကြာတကန်ရွာကိုမီးရှိဖျက်ဆီးခဲ့တာကြောင့် နေအိမ် ၂၇ လုံးမီး လောင်ခဲ့တဲ့အပြင် ရွာအနီးရှိ စစ်ရှောင်တဲ ၃ လုံးနဲ့ စပါးတင်းပေါင်း တစ်ရာကျော် မီးလောင်ပျက်စီးခဲ့တယ်လို့ ကျွန်းလှတက်ကြွလှုပ်ရှားသူများအဖွဲ့မှတာဝန်ရှိသူတစ်ဦးကပြောပါတယ်။
“အခုစစ်ကြောင်းထိုးတာတော့ ဖမ်းခံထိတာ သတ်ဖြတ်ခံထိတာတွေမကြားမိဘူး။ ကြာတကန်ရွာကိုမီးရှိပြီးတောအင်ကြင်းစုရွာဘက်ကိုသွားတယ်လို့”သူကဆိုပါတယ်။
စစ်ကောင်တပ်စစ်ကြောင်းဟာ ပြီးခဲ့တဲ့ ဒီဇင်ဘာလလောက်ကတည်းက စစ်ကောင်စီတပ်တွေက ကျွန်းလှမြို့နယ် နဲ့ ကန့်ဘလူမြို့အနီးရှိကျေးကိုစစ်ကြောင်းထိုးပြီး ဒေသခံပြည်သူတွေရဲ့နေအိမ်တွေကိုမီးရှိဖျက်ဆီးခဲ့ပြီး ဖမ်းဆီးသတ်ဖြတ်မှုတွေလဲရှိခဲ့ပါတယ်။
