စက်တင်ဘာလ ၂၃ ရက်၊ ၂၀၂၃ ခုနှစ်
Move Forward ပါတီရဲ့ ခေါင်းဆောင်အသစ် Chaithawat Tulaton ဟာ ထိုင်းနိုင်ငံ၊ ဘန်ကောက်မြို့ရှိ ပါတီဌာနချုပ်မှာ ၂၀၂၃ ခုနှစ်၊ စက်တင်ဘာလ ၂၃ ရက်နေ့တွင် ပါတီဝင်တွေမှ ရွေးချယ် တင်မြှောက်ခံရပြီးနောက် မိန့်ခွန်းပြောကြားခဲ့ပါတယ်။
မေလ ၂၃ ရက်နေ့ ရွေးကောက်ပွဲမှာ အောင်ပွဲရခဲ့တဲ့ ပါတီကို ဦးဆောင်ခဲ့သူ Pita Limjaroenrat ဟာ ဝန်ကြီးချုပ်ဖြစ်လာဖို့ ကြိုးပမ်းမှု ပျက်ပြားသွားပြီးနောက် ထိုင်းအတိုက်အခံ Move Forward က စနေနေ့မှာ ခေါင်းဆောင်သစ်တစ်ဦးကို ခန့်အပ်လိုက်တယ်လို့ သိရတယ်။
နိုင်ငံရေးမဂ္ဂဇင်း အယ်ဒီတာဟောင်း Chaithawat Tulaton က သမာရိုးကျ ထူထောင်ရေး မူဝါဒတွေကို ဆန့်ကျင်တဲ့ လူငယ်တွေနဲ့ မြို့ပြလူထု ထောက်ခံမှုမှာ ပါလီမန်အတွင်း အမတ်နေရာ အများဆုံး ရရှိခဲ့တဲ့ Move Forward ကို ဦးဆောင်မှာဖြစ်ပါတယ်။ ကွန်ဆာဗေးတစ်လွှတ်တော်အမတ်တွေနဲ့ ရွေးကောက်ခံ မဟုတ်တဲ့ အထက်လွှတ်တော်က အစိုးရဖွဲ့ဖို့ ကြိုးပမ်းမှုတွေကို ပိတ်ဆို့ပြီး လမ်းဟောင်း မလိုက်တဲ့ပါတီအဖြစ် အတိုက်အခံကို ဦးဆောင်မှာဖြစ်ပါတယ်။
Pita က မျိုးဆက်သစ်ခေါင်းဆောင်တွေကို လျော့ပါးစေဖို့ရည်ရွယ်၍ စစ်တပ်လိုလားသူနဲ့ တော်ဝင်ဝါဒီ ထူထောင်မှုပုံစံတရဲ့ တစ်စိတ်တစ်ပိုင်းအဖြစ် လူအများမြင်ကြတဲ့ ဥပဒေနဲ့ ဥပဒေပြုရေးဆိုင်ရာ စိန်ခေါ်မှုတွေကြားမှ ယခုလအစောပိုင်းအတွင်း ပါတီခေါင်းဆောင်အဖြစ်မှ နုတ်ထွက်ခဲ့ပါတယ်။
ဇူလိုင်လမှာ Pita က မီဒီယာကုမ္ပဏီတစ်ခုအတွင်း အစုရှယ်ယာတွေ ပိုင်ဆိုင်တဲ့ စွပ်စွဲမှုတွေကြောင့် ပါလီမန်မှ ရာထူးမှ ရပ်စဲခံခဲ့ရတာပါ။ ဒါကို Pita က ငြင်းဆိုထားပါတယ်။
ယခင်က ပါတီရဲ့ အထွေထွေအတွင်းရေးမှူးဖြစ်ခဲ့တဲ့ Chaithawat က Pita က သူ့ရဲ့အမည်ကို ပါတီကနေဖယ်ရှားစဥ်အတွင်း အဆိုပါလှုပ်ရှားမှုကို “ယာယီပြန်လည်ဖွဲ့စည်းခြင်း” လို့ ခေါ်ဝေါ် ခဲ့ပါတယ်။ Pita က ပါတီရဲ့အကြံပေးအဖြစ် ဆက်လက်ဆောင်ရွက်မှာဖြစ်ပြီး လွှတ်တော် ပြင်ပ လှုပ်ရှားမှုတွေကို စီမံခန့်ခွဲမယ်လို့ Chaitawat က ပြောပါတယ်။
ယခုသီတင်းပတ် အစောပိုင်းအတွင်း တရားရုံးတွေက ထင်ရှားတဲ့ Move Forward ပါတီကို ထောက်ခံသူ Pannika Wanich ကို ဘုရင်စနစ် မလေးစားမှုနဲ့ ကျင့်ဝတ်စံနှုန်းတွေကို ဖောက်ဖျက်တယ်လို့ဆိုကာ လွန်ခဲ့တဲ့ ဆယ်နှစ်ကျော်က အွန်လိုင်းမှာ တင်ခဲ့တဲ့ ဓာတ်ပုံနဲ့ နိုင်ငံရေးလောကကနေ တစ်သက်တာ ပိတ်ပင်တားမြစ်ခဲ့ပါတယ်။
Move Forward က နိုင်ငံရဲ့ ပြင်းထန်တဲ့ တော်ဝင်စော်ကားမှုဥပဒေကို ပြင်ဆင်ဖို့ ကတိကဝတ်ပြုထားပြီး ဘုရင်စနစ်ကို ဆန့်ကျင်ပါက ထောင်ဒဏ် ၁၅ နှစ်အထိ ချမှတ်နိုင်မှာဖြစ်ပါတယ်။
Ref : Reuters
Photo : Reuters