လၢမၠၣ်ဝတံၣ်ဝ့ၢ်ပူၤ စးထီၣ်လၢလါ June 1သီနံၤ ကစးထီၣ်ဟံးန့ၣ်အရ့လၢသိလ့ၣ်တထီထီၣ်နီၢ်ဂံၢ်ဘ့ၣ်ဘၣ်တဖၣ်

လါမ့ၤ ၃၁သီ၊၂၀၂၃နံၣ်

ကညီကီၢ်စဲၣ် မၠၣ်ဝတံၣ် ဝ့ၢ်ပူၤ နီၢ်ဂံၢ်ဘ့ၣ်ဘၣ်လၢတအိၣ်ဒီးဝ့ၢ်အတၢ်ပာ်ပနီၢ် နီၢ်ဂံၢ်တဖၣ်ဒီးသိလ့ၣ်လၢတထီထီၣ်ဃး နီၢ်ဂံၢ်ဘ့ၣ်ဘၣ်တဖၣ်၊ပှၤနီသိလ့ၣ်ဖိလံာ်အုၣ်သးတဖၣ် ကဘၣ်တၢ်သမံသမိးဒီးစးထီၣ်ဟံးန့ၣ်အရ့လၢ ၂၀၂၃ လါ June ၁သီအနံၤန့ၣ် မၠၣ်ဝတံၣ်ဝ့ၢ်ပူၤ ဟီၣ်ကဝီၤဖိတဲဝဲအသိးသ့ၣ်ညါဘၣ်န့ၣ်လီၤ

ဖဲအပူၤကွံာ် လါမးရှး ၃၁သီအနံၤ ပာ်ပနီၢ်ဝဲအလီၢ်ခံကတၢၢ်ဒီးကဘၣ်ဆီတလဲဝဲနီၢ်ဂံၢ်ဘ့ၣ်ဘၣ်လၢအသီန့ၣ် ကညန ရူထုးထီၣ်တၢ်ပရၢန့ၣ်လီၤ သိလ့ၣ်လံာ်အုၣ်သးအိၣ်တဖၣ်မ့ၢ်တဆီတလဲဝဲနီၢ်ဂံၢ်ဘ့ၣ်ဘၣ်န့ၣ်ကဘၣ်တၢ်ဟံးန့ၣ်အရ့ဒီးသိလ့ၣ်လၢလံာ်အုၣ်သးတအိၣ်တဖၣ်နာ်က့ မ့ၢ်တဆီတလဲဝဲနီၢ်ဂံၢ်ဘ့ၣ်ဘၣ်န့ၣ် ကဘၣ်တၢ်ဖှီၣ်ဟံးန့ၣ်အရ့လီၤ

ဘၣ်ထွဲဒီးတၢ်ဂ့ၢ်တခါအံၤအဖိခိၣ်ပှၤဘူးဒီး မၠၣ်ဝတံၣ် ကညန ရူတဂၤတဲဝဲ “အခဲပနၣ်ဟူအဝဲသ့ၣ်ကစးထီၣ်ဖှီၣ်ဝဲသိလ့ၣ်လၢတဆီတလဲနီၢ်ဂံၢ်ဘ့ၣ်ဘၣ်တဖၣ် စးထီၣ်ဖဲလါ June ၁သီန့ၣ်လီၤ ဖဲန့ၣ်အဝဲသ့ၣ်ကဖှီၣ်ဝဲ သိလ့ၣ်လၢလံာ်အုၣ်သးအိၣ်တကးဒံးဘၣ်သိလ့ၣ်လၢလံာ်အုၣ်သးတအိၣ် withoutလၢတဆီတလဲနီၢ်ဂံၢ်ဘ့ၣ်ဘၣ်တဖၣ်န့ၣ်”အဝဲတဲလီၤ

ပှၤဘၣ်မူဘၣ်ဒါတဖၣ်မၤဝဲ ဟ့ၣ်ဝဲတၢ်ကူၣ်သ့ဘၣ်ဃးဒီးပှၤနီသိလ့ၣ်ဖဲ မၠၣ်ဝတံၣ် ဝ့ၢ် ရွှ့ၣ်မၠ့ဝီၣ် ကၠိ အဃၢၢ်န့ၣ်လီၤ

မၠးဝတံၣ် ဝ့ၢ်ပူၤဖဲတၢ်မၤ နီၢ်ဂံၢ်ဘ့ၣ်ဘၣ်လၢ without သိလ့ၣ်တဖၣ်အဂီၤန့ၣ် မၤဝဲန့ၣ်ဒၣ်ဖဲ ကညနရူပာ်ပနီၢ်ဃးကျးသ့ၣ်တဖၣ်န့ၣ်လီၤ ဖဲတၢ်မၤနီၢ်ဂံၢ်ဘ့ၣ်ဘၣ်အံၤ ဘၣ်ဟ့ၣ်ဝဲ ပယီၤစ့ အဆှၤကတၢၢ် ၈၀၀၀၀ ဘးန့ၣ်လီၤ

“ဖဲတၢ်ထီထီၣ် without သိလ့ၣ်နီၢ်ဂံၢ်ဘ့ၣ်ဘၣ်တဖၣ်န့ၣ်ကဘၣ်ထီဝဲဖဲ ကညန ရူပာ်ပနီၢ်ဃးအလီၢ်န့ၣ်လီၤ မ့ၢ်အဲၣ်ဒိးမၤလၢတၢ်လီၢ်အဂၤနာ်က့န့ၣ်မီၣ်နီ သနာ်က့ ကဘၣ်လီၤတံၤလီၤ အပှ့ၤအိၣ်ဝဲအကလုာ်ကလုာ်လီၤ အဆှၤတၢၢ် ၈၀၀၀၀ဘးလီၤ “န့ၣ်အဝဲတဲဝဲလီၤ

တကးဒံးဘၣ်သိလ့ၣ်လံာ်အုၣ်သးတအိၣ်လၢထီဃးနိီၢ်ဂံၢ်ဘ့ၣ်ဘၣ်တဖၣ်ပျဲလဲၤဝဲတုၤလၢဖၣ်အၣ်ဝ့ၢ်လီၤပယီၤသုးစုဖီလာ်ရူပှၤမၤတၢ်ဖိအသိလ့ၣ်တဖၣ်နာ်က့ ပှၤဘၣ်မူဘၣ်ဒါမၢထီဝဲနီၢ်ဂံၢ်ဘ့ၣ်ဘၣ်န့ၣ်သ့ၣ်ညါဘၣ်လၢပှၤဘူးဒီးပှၤမၤတၢ်ဖိတဖၣ်အိၣ်န့ၣ်လီၤ