တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးတၢ်အဃိ စ့ပယီၤအၦ့ၤလီၤအဖီခိၣ် လၢဃိၣ်သၢဖျၢၣ်ဝ့ၢ်ပူၤတၢ်ပီးတၢ်လီတဖၣ်အပှ့ၤထီၣ်

လါယူၤလံ ၂၆သီ၊၂၀၂၃နံၣ်

တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးဝံၤအလီၢ်ခံ ကညီကီၢ်စဲၣ် ဃိၣ်သၢဖျၢၣ်ဝ့ၢ်ပူၤ တၢ်ဖိတၢ်လံၤတဖၣ်အပှ့ၤထီၣ်န့ၣ် ဟီၣ်ကဝီၤဖိစံးဝဲန့ၣ်လီၤ

ဖဲအပူၤကွံာ် လါယူၤလ့ ၂၃သီ တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးဝံၤအလီၢ်ခံ လၢဃိၣ်သၢဖျၢၣ်ဝ့ၢ်ပူၤဃုသးဒီးတၢ်ပီးတၢ်လီတဖၣ်အပှ့ၤထီၣ်န့ၣ်ဃိၣ်သၢဖျၢၣ်ဝ့ၢ်ဟီၣ်ကဝီၤပိာ်မုၣ်တဂၤစံးဝဲလီၤ

“လၢညါဃုသးတထၢၣ်န့ၣ် ၁၅၀၀ဘး (ဘတ်)လီၤ အခဲ ၁၈၀၀ဘး(ဘတ်) သိ၊အံသၣ်၊တၢ်ဆၢကမုၤတဖၣ်အပှ့ၤထီၣ်ဒိၣ်မးလီၤ တၢ်ဆၢကမုၤန့ၣ်လၢညါ၁ကံၣ်လိၣ် ၁၀၀ဘးလီၤ အခဲ ၂၀၀ဘး ပသဲဂီၤနာ်က့လၢညါတကံၣ်လိၣ် ၃၀ဘး အခဲ ၄၀ဘျဲၣ်၅၀လီၤ”န့ၣ်အဝဲစံးဝဲလီၤ

တကးဒံးဘၣ် ဟီၣ်ကဝီၤပိာ်မုၣ်တဂၤနာ်က့ “တၢ်အပှ့ၤထီၣ်ခဲလၢာ်လီၤ ဃုပှ့ၤထီၣ်အါကတၢၢ်လီၤ ၆တလီးတထၢၣ်န့ၣ်၃၉၀ဘးလီၤ တထၢၣ် အပှ့ၤထီၣ်၃၀၊၄၀လီၤ ထၢၣ်အဒိၣ်န့ၣ်တသ့ၣ်ညါဘၣ်တပှ့ၤဘၣ်အဃိ”စံးဝဲဒ်န့ၣ်လီၤ

တၢ်ကစီၣ်ရၤလီၤသးလၢၦၤကထုးထီၣ်စ့ပယီၤခံကလးဝံၤအလီၢ်ခံ စ့ပယီၤအၦ့ၤလီၤဒီး ဃိၣ်သၢဖျၢၣ်ဝ့ၢ်ပူၤပှၤမၤခီလဲစ့တဖၣ် ဘၣ်ပတုၤဃးဝဲတၢ်မၤန့ၣ် ဟီၣ်ကဝီၤဖိတဲဝဲအသိးသ့ၣ်ညါဘၣ်န့ၣ်လီၤဟီၣ်ကဝီၤပိာ်မုၣ်လၢခံတဂၤနာ်က့စံးဝဲလၢ” အခဲလၢဃိၣ်သၢဖျၢၣ်န့ၣ်ပှၤတခီလဲန့စ့ပယီၤဆူစ့ယိၤဘၣ် ဖဲမဟါမးန့ၣ်လဲၤခီလဲတန့ၣ်ဘၣ်”န့ၣ်လီၤ

တကးဒံးဘၣ် တၢ်ကစီၣ်ရၤလီၤသးဒ်အံၤဝံၤအလီၢ်ခံ ကညီကီၢ်စဲၣ်ပူၤ ကီၢ်ဆၢဝ့ၢ်လၢအမ့ၢ်တဲ ဃိၣ်သၢဖျၢၣ်ဝ့ၢ်တကးဒံးဘၣ်မၠၣ်ဝတံၣ်ဝ့ၢ်နာ်က့ ဘၣ်ပတုၤဃးတၢ်ခီလဲစ့တၢ်မၤဒီးကီၢ်ပယီၤဒီတဘ့ၣ်ဃၣ်ဃၣ်တၢ်ပီးတၢ်လီတဖၣ်အပှ့ၤထီၣ်လီၤ

ကညီကီၢ်စဲၣ်ပူၤ မၠၣ်ဝတံၣ်၊ကီးတရံး၊နိၣ်တကီ၊ဖၣ်ပူၣ်ဒီးသၣ်တီၣ်ဝ့ၢ်သ့ၣ်တဖၣ်အပူၤပယီၤသုးမီၤစိရိၤဒီးKNLAသုးပာ်ဖှိၣ်တဘၢၣ်စၢၤတၢ်ဒုးကဲထီၣ်ကိးမုၢ်နံၤဃၣ်ဃၣ်ဒီး ဖၣ်အၣ်ဒီးလဲဘွဲဝ့ၢ်တကပၤ သုးတၢ်ဖ့ၣ်ဆၢအိၣ်လၢခံခီခံကပၤအဘၢၣ်စၢၤလီၤ