ပယီၤသုးဒွဲၣ်အူမၤဟးဂီၤအဃိ ယ့ၣ်စ့ၣ်ကိသဝီပူၤ ဟံၣ်အဖျၢၣ်၁၀ဃၣ်ဃၣ်မ့ၣ်အူအီၣ်ဟးဂီၤ
လါစဲးပထ့ဘၢၣ် ၁၉သီ၊၂၀၂၃နံၣ် ကညီကီၢ်စဲၣ် သၣ်တီၣ်ကီၢ်ဆၣ် သၣ်တီၣ်ကျဲ၅မံးလာ် ယ့ၣ်စ့ကိသဝီကရူၢ်ပူၤ ပယီၤသုးဒွဲၣ်အူမၤဟးဂီၤအဃိ ဘုဖီ၃ဖျၢၣ်ဒီးကမျၢၢ်ဟံၣ်မ့ၣ်အူအီၣ်ဟးဂီၤအဖျၢၣ်၁၀ဃၣ်ဃၣ်န့ၣ်သၣ်တီၣ်ဝ့ၢ်လီၢ်ကဝီၤဖိစံးဝဲန့ၣ်လီၤ ဖဲအပူၤကွံာ်လါစဲးပထ့ဘၢၣ်၁၃သီအနံၤခါ ရှါပၠီချီသဝီပူၤ ပယီၤသုးဖိလၢဟဲက့ၤဆူဒူၣ်ဖိထၢဖိအိၣ်တဂၤ ဘၣ်တၢ်ဖှီၣ်အီၤခီဖျိကရူၢ်ကရၢလၢတသ့ၣ်ညါအမံၤတဖုဝံၤအလီၢ်ခံ တီအူဝ့ၢ်ပူၤပယီၤသုးတဖၣ်ဟဲဆီလီၤလီၢ်ဒီးဂံၢ်ဘါအါအါဂီၢ်ဂီၢ်လၢရှါပၠီချီသဝီပူၤန့ၣ်သၣ်တီၣ်ဝ့ၢ်လီၢ်ကဝီၤဖိစံးဝဲဒၣ်န့ၣ်လီၤ “ဖဲလါစဲးပထ့ဘၣ် ၁၁သီ ပယီၤသုးဖိတဂၤဟဲက့ၤလၢရှါပၠီချီသဝီပူၤဒူၣ်ဖိထၢဖိအိၣ်ဒီး တဲဝဲကလဲၤလၢထိးအိၣ်တၢ်အလီၢ်ဝံၤ လဲၤသမံသမိးဝဲတၢ်ပၢၢ်ဆၢသုးတဖၣ်အိၣ်တၢ်အလီၢ်ဒီးဆှၢထီၣ်တၢ်ကစီၣ်လီၤဖဲ၁၃သီအခါပှၤဖှီၣ်ဃးအီၤဒီးလီၤမၢ်ဝံၤအလီၢ်ခံပယီၤသုးနုာ်လီၤဆီလီၤလီၢ်ဒီးဂံၢ်ဘါအါအါဂီၢ်ဂီၢ်န့ၣ်”အဝဲစံးဝဲန့ၣ်လီၤ ဟံန့ၣ်ဆီလီၤလီၢ်ဝံၤဖဲလါစဲးပထ့ဘၢၣ်၁၄သီဂီၤခီဆၢကတီၢ်ပယီၤသုးတဖၣ်ဒွဲၣ်အူမၤဟးဂီၤကွံာ်ဝဲ ယ့ၣ်စ့ကိသဝီကရူၢ်…